Qylmystyq jup jalǵan qujat jasaý degen kúdikke ilingen.
Qylmystyq kodekstiń birden bes baby boıynsha 35 jastaǵy resıdıvıs pen onyń 36 jastaǵy serigine qatysty qylmystyq is tergelýde, dep habarlaıdy Almaty-akshamy.kz Polisia.kz-ke silteme jasap.
«Kúdiktiler aldaý jáne senimge qıanat jasaý arqyly uıaly baılanys operatorlarynyń biriniń 10 mıllıon teńgeden astam múlkin zańsyz ıemdenip alǵan. Olardyń aldaý jospary 2021 jyldyń jeltoqsan aıynda týdy. Olar jalǵan jeke kýálik arqyly elimizdiń ár óńirinen nesıege uıaly telefon satyp alǵan. Sonymen qatar, olar mobıldi qurylǵylardyń belgili bir úlgilerin satý úshin arnaıy naýqandardy paıdalandy. Tergeýdiń osy kezeńinde 54 alaıaqtyq deregi anyqtaldy», – dedi Bostandyq aýdandyq polısıa basqarmasynyń bastyǵy Ǵalym Qasymbaev.
Aıtpaqshy, osyǵan uqsas qylmystardy jasaǵany úshin 35 jastaǵy M. esimdi azamat buryn da birneshe ret sottalǵan. Qazir QR QK-niń 392-baby 1-bóligi, 28-baby 5-bóligi, 385-baby 2-bóligi, 190-baby 3-bóliginiń 4-tarmaǵynda kózdelgen qylmystyq is sotqa joldandy.