Qorǵanys mınıstrli men QR Qarjy naryǵyn retteý jáne damytý agenttigi arasyndaǵy ózara yntymaqtastyq týraly memorandýmnyń nátıjesinde boryshyn ótep júrgen áskerı qyzmetshilerge banktik qaryzdar men shaǵyn nesıelik tólemderin keıinge qaldyrý tájirıbesi rettelgen.
Qazirgi kezde 5 myńnan astam sarbazdyń 1 mlrd 875 mln teńge nesıesi keıinge qaldyryldy. Qazirgi ýaqytta bankter men mıkrokredıttik uıymdarda 1,6 mlrd teńge somasyna 5 myńǵa jýyq áskerı qyzmetshiniń ótinishteri qaralý ústinde. Odan bólek qorǵanys vedomstvosynyń bul bastamasy zań júzinde bekitýdi jáne múddeli uıymdardyń birlesken tehnıkalyq sheshimin talap etedi.
Qorǵanys mınıstrliginiń sarbazdary úshin áleýmettik qoldaý sharalaryn zań turǵysynda retteý maqsatynda "Áskerı qyzmet jáne áskerı qyzmetshiniń mártebesi týraly" QR Zańyna 50-1-bapty engizýge bastamashy boldy. Zań jobasy Parlament Májilisinde qaralyp jatyr.
"Budan ózge, Qorǵanys mınıstrligi QR Qarjy naryǵyn retteý jáne damytý agenttigine "Bankter jáne bank qyzmeti týraly" QR Zańynyń 34-babyna jáne "Mıkroqarjylyq qyzmeti týraly" QR Zańynyń 7-babynyń 2-tarmaǵyna tolyqtyrýlar engizý jóninde usynystaryn bildirdi. Negizgi qaryz ben syıaqy boıynsha tólemdi keıinge qaldyrý tártibin belgileıtin normalarǵa qorǵanys vedomstvosy sarbazdardan basqa qaryz alýshylar qataryna áskerı jıyndarǵa shaqyrylǵan azamattardy da qosýdy usynyp otyr".QR Qorǵanys mınıstrliginiń baspasóz qyzmeti
Mınıstrliktiń málimdeýinshe, nesıeni keıinge qaldyrý áskerı jıyndaǵy búkil kezeńge beriledi dep kútilýde. Bul rette málimet almasý múddeli organdardyń aqparattyq júıeleriniń ózara is-qımyly arqyly iske asyrylýǵa tıis.
Prosesterdi avtomattandyrý úshin Uıymdastyrý-jumyldyrý jumysy departamenti Qarjy naryǵyn retteý jáne damytý agenttigimen jáne "Memlekettik kredıttik búro" AQ-men birlesip proaktıvti formatta ózara is-qımyl algorıtmin ázirledi.