2 mlrd. aǵash otyrǵyzý jobasyna 200-den astam orman pıtomnıkteri men basqa da uıymdar qatysady
Qazirgi ýaqytta QR Ekologıa mınıstrligi elimizdiń aýqymdy kógaldandyrý jobasyn iske asyryp jatyr. Onyń aıasynda 5 jyl ishinde 2 mlrd.aǵash otyrǵyzýdy josparlap otyr, dep habarlaıdy almaty-akshamy.kz
Joba bastalǵaly beri 81,5 mln. aǵash otyrǵyzyldy. Kúzde taǵy 48,2 mln. aǵash otyrǵyzylady. Otyrǵyzý kólemi 2021 jylǵy 129,7 mln.aǵashtan 2025 jyly 642,8 mln. aǵashqa deıin ulǵaıatyn bolady.
Jobany júzege asyrý úshin barlyq oblystar jáne mınıstrliktiń vedimistik baǵynysty mekemelerinde orman ósirýdiń 5 jyldyq keshendi jospary bekitildi. Ony ázirleý kezinde qoldanystaǵy pıtomnıkterdiń jáne otyrǵyzý materıalyn ósirýdi júzege asyratyn uıymdardyń múmkindikterine taldaý jasaldy.
Osy derekterge sáıkes aǵashtar men butalardy otyrǵyzý jumys kólemi boıynsha josparly kórsetkishter ázirlendi. Oblystarda otyrǵyzý materıaldary jetkiliksiz qamtamasyz etilse, josparlarmen jumys istep turǵan pıtomnıkterdi keńeıtý jáne ýaqytsha pıtomnıkter qurý kózdelgen. Sondaı-aq orman daqyldarynyń tuqymyn jınaý kórsetkishteri eskerildi.
Búgingi tańda Qazaqstanda orman daqyldarynyń otyrǵyzý materıaldaryn kóbeıtý men ósirýdi júzege asyratyn 44 turaqty jáne 158 ýaqytsha pıtomnıkter men uıymdar jumys isteıdi. Qazirgi ýaqytta qaraǵaı, shyrsha, balqaraǵaı, qaıyń, shegirshin, sekseýil, úıeńki, shaǵan, emen jáne basqa da aǵash túrleriniń 1-3 jastaǵy kóshetteri bar. Jalpy - 165,5 mln. dana. Aıta keteıik, basqa elderden otyrǵyzý materıaldaryn satyp alý qarastyrylmaǵan.
Joba boıynsha: sekseýil – shamamen 610 myń dana; qaraǵaı – 555 myńnan astam dana; úıeńki – 193 myńnan astam dana; shegirshin – 132 myńnan astam dana; qaıyń – 100 myńnan astam dana jáne basqa da tuqymdar otyrǵyzý josparlanǵan.