«Maslo-Del Petropavlosk» JSHS jańa maı ekstraksıalyq zaýytynyń qurylysyn aıaqtady.
Zaýytta jylyna 370 myń tonna maıly daqyldar óńdeletin bolady, dep habarlaıdy aqshamnews.kz.
Zaýyt ónimderine kúnbaǵys jáne zyǵyr maıy, sondaı-aq kúnjara kiredi. Syrtqy naryqtarda básekege qabilettilikti arttyrý úshin óndiris kezinde sýyq syǵymdaý tehnologıasy qoldanylatyn bolady.
Kásiporynda Germanıa, Belgıa jáne Túrkıa óndiretin zamanaýı jabdyqtar ornatylǵan.
Qazirgi ýaqytta tuqymdardy alý, daıyndaý jáne qabyldaý sehtarynyń, sondaı-aq sorǵy men qazandyqtyń qurylysy aıaqtaldy.
Jabdyqtardy iske qosý-jóndeý jumystary júrgizilýde. Óndiristi iske qosý aǵymdaǵy jyldyń qarasha aıynyń sońynda josparlanyp otyr.
Jobanyń quny-34 mlrd teńge.