QR Ónerkásip jáne qurylys mınıstrligi buǵan deıin 26 ken orny boıynsha elektrondy aýksıon ótkizý týraly habarlandyrý jarıalaǵan.
Ken oryndary quramynda altyn, kúmis, qorǵasyn, myrysh jáne t.b qatty paıdaly qazbalardyń qory bar.
Aýksıonǵa qatysýǵa ótinimder 2025 jyldyń 15 qańtaryna deıin «minerals.e-qazyna.kz» Jer qoınaýyn paıdalanýdyń biryńǵaı platformasy arqyly qabyldanady, dep habarlaıdy aqshamnews.kz Ónerkásip jáne qurylys mınıstrligine silteme jasap.
Elektrondyq aýksıon 2025 jyldyń 29 qańtarynda e-qazyna.kz memlekettik múlik tiziliminiń veb-portalynda ótedi.
Jer qoınaýyn paıdalaný salasyndaǵy aqparattyń bolýy «Jer qoınaýy jáne jer qoınaýyn paıdalaný týraly» QR Kodeksiniń 7-babymen retteledi, oǵan sáıkes memleket jer qoınaýyn paıdalaný quqyǵyn berýge arnalǵan aýksıondar týraly aqparatqa, aýksıon sharttary men nátıjelerine ashyq qoljetimdilikti qamtamasyz etedi.
Nátıjesinde, Mınıstrliktiń resmı ınternet-resýrsynda aýksıondardan keıin árbir sala boıynsha aýksıon nátıjeleriniń hattamalary turaqty túrde jarıalanady, onda jeńimpaz kompanıalardyń ataýlary, sondaı-aq qol qoıý bonýstarynyń túpkilikti somalary kórsetiledi.
Budan bólek, eger sırek jer metaldary bar ken oryndary aýksıonǵa shyǵarylsa, áleýetti ınvestorlarǵa óz óndirisinde metalýrgıa ónimderin óńdeý jáne óndirý nemese Qazaqstanda zaýyt salý túrindegi qosymsha mindettemeler usynylady.
Bul qosymsha mindettemeler kendi óndirý jáne shetelge eksporttaý ǵana emes, elimizde sırek kezdesetin metaldardy óńdeýdiń kepili bolyp tabylady.
Eger qol qoıý bonýsynyń túpkilikti somasy aýksıon jeńimpazymen tólenbese, basymdyq kelesi qatysýshyǵa beriletinin atap ótken jón.
Salyq zańnamasyna sáıkes qol qoıý bonýsynyń túpkilikti somasyn tólemeý jeńimpazdy tólem mindettemelerinen bosatpaıdy, sonymen qatar depozıtke salynǵan kepildik óz mindettemelerin oryndamaǵan jeńimpazǵa qaıtarylmaıdy jáne bul somalar memleketten óndirip alynady.