Tirkelgen jaǵdaılardyń kóbi Eýropadan anyqtaldy
Dúnıejúzilik densaýlyq saqtaý uıymy (DDSU) 33 elde 650 balada aýyr gepatıttiń anyqtalǵanyn habarlady. Bul gepatıttiń etıologıasy áli belgisiz jáne zerttelip jatyr, dep habarlaıdy Almaty-akshamy.kz Almaty.tv-ge silteme jasap.
Aýrý juqtyrý faktileri osy jyldyń 5 sáýiri men 26 mamyry aralyǵynda anyqtaldy. Tirkelgen jaǵdaılardyń kóbi Eýropada, 222 jaǵdaı Ulybrıtanıada anyqtalǵan. Eýroodaqtaǵy jaǵdaıdyń 75%-ten astamy bes jasqa deıingi balalarda tirkelgeni belgili boldy. Taǵy 99 jaǵdaı aýrý túrin jikteýdi kútip otyr.
"Osy aýyr gepatıttiń etıologıasy belgisiz bolyp otyr jáne zertteý júrgizilip jatyr. Yqtımal qozdyrǵyshtyń kózi men juǵý joly áli anyqtalǵan joq. Bul jaǵdaılar klınıkalyq turǵydan asa aýyr bolyp otyr. Sondaı-aq bul aýrý kezinde baýyr jumysynyń jetkiliksizdigi asqynýy baıqalady", - dedi DDSU mamandary.
Dúnıejúzilik densaýlyq saqtaý uıymynyń málimeti boıynsha, 650 yqtımal jaǵdaıdyń 38-inde (6%) balaǵa baýyr transplantasıasy qajet bolsa, 9 jaǵdaıda (1%) bala qaıtys bolǵan.
Sarapshylar ázirshe aýrý qozdyrǵysh kózi men juǵý ádisterin anyqtaı almaı otyr. Sonymen qatar, dárigerler keıbir naýqastarda koronavırýs nemese adenovırýsty anyqtady, biraq bul derekter áli tolyq emes. DDSU álemdik deńgeıde aýrýdyń qaýpin ortasha dep baǵalap otyr. Osy jaǵdaılardyń yqtımal sebepterine qosymsha jan-jaqty epıdemıologıalyq, klınıkalyq, zerthanalyq, gıstologıalyq jáne toksıkologıalyq zertteýdi birneshe ulttyq organ, zertteý jelileri jáne DDSU-daǵy ártúrli jumys toptary jáne seriktester júrgizip jatyr.
DDSU-daǵylar osy aýrý túrin juqtyrý faktilerin anyqtaýǵa, tekserýge jáne ol týraly habarlaýǵa keńes berdi.