QR Eńbek jáne halyqty áleýmettik qorǵaý vıse-mınıstri Asqar Bıahmetov Astanada ótken «Turaqty damý basymdyqtaryn qalyptastyrýdaǵy aýyl áıelderiniń róli» atty Qazaqstannyń aýyl áıelderiniń VIİ Respýblıkalyq forýmy aıasynda áıelderdi jumyspen qamtý úshin qabyldanyp jatqan sharalar týraly habarlady.
Asqar Bıahmetov óz sózinde Memleket basshysy bıylǵy 2 qyrkúıektegi Qazaqstan halqyna Joldaýynda 2025 jyl eńbekqorlyq pen kásipqoılyq ıdeıasyn qoǵamda ilgeriletýge baǵyttalǵan Jumysshy mamandyqtar jyly dep jarıalanǵanyn atap ótti, dep habalaıdy aqshamnews.kz.
«Qazaqstandaǵy áıelder negizinen qyzmet kórsetý sektorynda, ásirese bilim berý men densaýlyq saqtaýda jumys isteıdi, onda áıelderdiń úlesi jumyspen qamtylǵandar sanynyń 70% - dan astamyn quraıdy. Sonymen qatar qurylys, kólik jáne ónerkásip sıaqty salalarda áıelderdiń úlesi aıtarlyqtaı tómen. Bul genderlik eńbek bólinisiniń jahandyq tendensıalaryn kórsetetin kútim men oqytýǵa baılanysty mamandyqtardaǵy áıelderdiń joǵary úlesin kórsetedi.
Áıelderdiń jartysy joǵary deńgeıdegi daǵdylardy qajet etetin pozısıalarmen aınalysady – bul basshylar, kásipqoılar jáne mamandar. Kásipqoılar arasynda áıelderdiń úlesi 64% quraıdy, bul áıelderdiń joǵary bilikti qyzmet salalaryna qosqan úlesin kórsetedi», – dedi vıse-mınıstr.
Sondaı-aq, ol genderlik jumyspen qamtýdyń salalyq ereksheligin kórsetetin tehnıkalyq daǵdylardy talap etetin kásipterde áıelder eń az jumys isteıtinin atap ótti. Biliktiliktiń tómen deńgeıi biliktilikti qajet etpeıtin jumystarmen aınalysatyn áıelderdiń 17%-na tán.
«2024 jylǵy 1 qarashadaǵy jaǵdaı boıynsha jumysqa ornalasýǵa járdemdesýdiń belsendi sharalarymen 315,5 myń áıel, onyń ishinde 165,5 myń aýyl áıelderi qamtyldy.
Jyl basynan beri jalpy 239,9 myń áıel jumyspen qamtyldy, onyń ishinde 131,3 myńy turaqty jumysqa, 108,6 myńy memleket sýbsıdıalaıtyn jumys oryndaryna ornalastyryldy, bul jumyspen qamtylǵandardyń jalpy sanynyń 45%-dan astamyn quraıdy», – dedi Asqar Bıahmetov.
Forým aıasynda «Coca-Cola Belesteri-2024» baıqaýynyń jeńimpazdaryn marapattaý jáne Saltanat Rahymbekova atyndaǵy grantty tapsyrý rásimi ótti.
Sondaı-aq, «Áıelder bastamalaryn qoldaý quraldary» paneldik sesıasy ótkizilip, «Azyq-túlik qaýipsizdigin qamtamasyz etýdegi áıelderdiń róli», «Aýyldyq áıelderge arnalǵan sıfrlandyrý jáne jańa tehnologıalar», «Aýyldyq jerlerdegi áıelderdiń bilimi men kásibı damýy» saraptamalyq alańdary uıymdastyryldy.