Almaty qalasynda bir táýlikte 2410 adam koronavırýsqa qarsy ekpe aldy.
Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy Almaty-akshamy.kz
«11 qańtar kúni 2410 almatylyq vaksına saldyrdy. Vaksına saldyrǵandar sany boıynsha Almaty qalasy aldyńǵy orynda. Byltyrǵy jyldyń 1 aqpany men bıylǵy jyldyń 11 qańtary aralyǵynda qalada 1 052 525 turǵyn vaksınanyń birinshi komponentin, 1015 921 adam ekinshi komponentin saldyrǵan. Onyń ishinde 123 454 adamnyń jasy 60-tan asqan»,- dep habarlady qalalyq basqarma.
Búgingi tańda Pfizer (Comirnaty) kompanıasynyń ekpesin 31 632 adam saldyrdy. Onyń ishinde 1 737 júkti áıel, 6396 bala emizetin ana jáne 23 499 jasóspirim bar. Revaksınalaýdan 71 040 almatylyq ótti. Qalada 132 pýnkt jumys istep tur. 762 adamnan turatyn 201 egý brıgadasy bar.