Ázirge Almaty qalasy, Almaty jáne Jambyl oblystarynyń avtoHQKO-lary ǵana ashylmaıdy
Búginnen bastap elimizde, úsh óńirdi qospaǵanda, avtokólik ıelerine memlekettik qyzmetter kórsetetin mamandandyrylǵan HQKO-lar jumysyn qaıta jandandyrady, dep habarlaıdy Almaty-akshamy.kz.
Jumys kestesi – saǵat 9.00-den 18.00-ge deıin (dúısenbi-juma aralyǵynda).
Almaty qalasy, Almaty jáne Jambyl oblystarynyń avtoHQKO-lary ǵana jumystaryn ázirge bastamaıdy. Atalǵan óńirlerde avtoqyzmetterdiń qaıta kórsetile bastaǵany týraly aqparat qosymsha habarlanatyn bolady.
«Avtoqyzmetter – suranysqa ıe memlekettik qyzmetterdiń biri. Qazir mamandandyrylǵan HQKO-lar qaıta iske qosylady, biz klıentterdiń onda kóptep keletinin boljap otyrmyz. Sondyqtan bul jaǵdaıǵa túsinistikpen qaraýlaryńyzdy suraımyn. Sondaı-aq avtokólikti Kaspi jáne Halyk Homebank bank qosymshalary arqyly qaıta resimdeýge bolatynyn eske salamyn. AvtoHQKO-larda kezek týdyrmaý úshin osy servısterdi paıdalanýǵa keńes beremin», – dedi «Azamattarǵa arnalǵan úkimet» memlekettik korporasıasynyń Basqarma tóraǵasy Ádil Qojyqov.
Mamandandyrylǵan HQKO ǵımaratyna kirý Ashyq qosymshasy arqyly júzege asyrylady. Epıdemıologıalyq jaǵdaıǵa baılanysty klıentter sanıtarlyq qaýipsizdik erejelerin - áleýmettik qashyqtyqty saqtap, betperde taǵýy kerek.