Almaty qalasy Ádilet departamentiniń ókilderi Óńirlik komýnıkasıalar qyzmetiniń brıfıńinde jeke sot oryndaýshylarynyń qyzmeti týraly aıtyp berdi, dep habarlaıdy almaty-akshamy.kz
Vedomstvonyń keltirgen derekterine saı, barlyǵy jeke sot oryndaýshylarynyń oryndaýynda jalpy somasy teńgege 520 myńnan astam atqarýshylyq is júrgizildi, onyń ishinde 200 myńnan astamy aıaqtaldy. Almaty qalasy boıynsha 310 jeke sot oryndaýshysy tirkelgen.
«Jeke sot oryndaýshylary qyzmetiniń negizi sot aktilerin májbúrlep oryndaý bolyp tabylady. Jeke sot oryndaýshylary «Atqarýshylyq is júrgizý jáne sot oryndaýshylarynyń mártebesi týraly» zańdy basshylyqqa alady, onda sot aktilerin oryndaý úshin jeke sot oryndaýshylarynyń is-áreketteri kózdeledi. Zańnyń 32-babynda boryshkerdiń múlkine tyıym salý, banktik shottar, boryshkerdiń jyljymaly múlkin alyp qoıý, boryshkerdiń múlkin mórleý, quqyq belgileıtin qujattardy alyp qoıý jáne t.b. sıaqty májbúrleý sharalary kózdelgen», - dedi Ádilet departamentiniń atqarýshylyq is júrgizýdi qamtamasyz etý bóliminiń basshysy Ánýar Jeksekov.
Máselen, mysaly, boryshkerlerdiń shottarynda aqsha qarajaty bolǵan jaǵdaıda, sot oryndaýshysy ınkassalyq ókim shyǵarady, sodan keıin aqsha qarajaty óndirip alýshynyń shotyna aýdarylady. Eger boryshkerdiń aqshalaı qarajaty bolmasa, onda sot oryndaýshysy jyljymaly nemese jyljymaıtyn múlikti ótkizý jóninde sharalar qabyldaıdy.
Boryshkerdiń múlkin ótkizý múlikti baǵalaý jáne keıinnen ony elektrondyq aýksıon nysanynda saýda-sattyqqa shyǵarý jolymen júzege asyrylady.
«Boryshkerdiń aqsha qarajaty men óndirip alýǵa bolatyn múlki bolmaǵan jaǵdaılar sırek emes. Mundaı jaǵdaıda sot oryndaýshylary ákimshilik quqyq buzýshylyq týraly kodekstermen jáne QR Qylmystyq kodeksimen reglamenttelgen sot aktilerin oryndamaǵany úshin ákimshilik ne qylmystyq jaýaptylyqqa júginedi», - dep túsindirdi spıker.
Sot aktilerin oryndaý kezinde isterdiń áleýmettik mańyzdy sanatyna jatatyn is júrgizý, kóshirý, jalaqyny óndirip alý jáne alıment bar. Departament dereginshe, úıden shyǵarý boıynsha barlyǵy 387 atqarýshylyq óndiris oryndaldy, onyń 164-i aıaqtaldy, 107-si naqty oryndaldy.
Jalaqy boıynsha barlyǵy 778 atqarýshylyq óndiris oryndaldy, onyń 397-si aıaqtaldy, 340-y naqty oryndaldy. Alıment boıynsha barlyǵy 17799 atqarýshylyq óndiris oryndaldy, onyń 2 599-y aıaqtaldy, 65-i naqty oryndaldy. Sondaı-aq, merzimdi oryndaýda (jalaqydan) - 6 642; boryshkerler derbes tóleıdi - 4 687; problemalyq alıment shamamen 1 000 óndiristi quraıdy.
«Alaıda, sot sheshimderin, sonyń ishinde alıment boıynsha sheshimderdi oryndaý kóptegen qıyndyqtarmen baılanysty, mysaly, boryshkerdiń qolma-qol aqshasynyń bolmaýy, jaýapkerdiń turǵylyqty jerin belgilemeý, turaqty jumys ornynyń bolmaýy, óndirip alýǵa bolatyn múlik jáne t.b. Alıment tóleýdi qamtamasyz etý úshin boryshkerlerdi jumysqa ornalastyrý qajet. Eger boryshker jumysqa ornalasýdan bas tartqan jaǵdaıda, zańda ákimshilik jáne qylmystyq jaýapkershilik kózdelgen», - dep eske saldy vedomstvoda.