Qazaqstandyq turǵyn úı-kommýnaldyq sharýashylyqty jańǵyrtý jáne damytý ortalyǵy «Atameken» UKP birlesip, V2V formatynda jobalaýshy kompanıalar men káriz tazartý júıelerine arnalǵan jabdyqtardy daıyndaıtyn otandyq óndirýshilermen kezdesý uıymdastyrdy, dep habarlaıdy Almaty-akshamy.kz.
Kezdesý QR Úkimeti qabyldaǵan turǵyn úı-kommýnaldyq ınfraqurylymdy damytý tujyrymdamasy boıynsha KTJ jobalaryn iske asyrýdyń ortalyq úılestirýshisi retinde uıymdastyryldy. İs-shara jobalardy iske asyrý prosesteriniń ashyqtyǵy men tıimdiligin qamtamasyz etýge, sondaı-aq KTJ salyp, jańǵyrtý máselelerine bıznesti tartýǵa, otandyq óndirýshilerdiń jobalaryna barynsha qatysyp,qoldaýǵa baǵyttalǵan.
Qatysýshylar jobalardy iske asyrý máselesinde «Qazortalyqtyń» ashyq ustanymynyń mańyzdylyǵyn atap ótti jáne osyndaı is-sharalardy turaqty negizde uıymdastyrý qajettigin, osy arqyly tıimdi sheshimderdi anyqtaý úshin sala qatysýshylarynyń habardarlyǵyn, tartylýyn jáne básekelestigin arttyrýdyń mańyzdylyǵyna toqtaldy.
Qazir óńirlerde qolǵa alynǵan KTJ-ne baılanysty 68 joba týraly málimet ortalyqtyń saıtynda qoljetimdi ekenin aıta keteıik.