Qazaqstandaǵy eń iri energetıkalyq kómir óndirýshileriniń biri «Shubarkól kómir» AQ bıyl kómirdi jeke tasymaldaý pýnktin ashpaıdy, dep habarlaıdy Almaty-akshamy.kz.
Kompanıanyń baspasóz qyzmetiniń málimeti boıynsha, mundaı sheshim jaqyn mańdaǵy eldi mekenderde kómir tapshylyǵyn boldyrmaý, sonymen qatar júk kólikteri júrgizýshileri arasyndaǵy janjaldyń aldyn alý maqsatynda qabyldanǵanyn habarlady.
«Jyl saıyn kómirge suranys joǵary kezeńde jetkizý ornynda kólikterdiń tym kóp jınalady. Munda kúnine 400-ge deıin kólik kelip, ortasha eseppen bir júrgizýshi úsh kún kezekte turdy», - dep jazylǵan habarlamada.
Endi kómir tasymaldaýdy kózdegen azamattar «Kómir garant» JSHS janarmaı bazalarynan kómir satyp ala alady:
Jezqazǵan qalasynda (Ulytaý oblysy);
Jańa-arqa aýylynda (Ulytaý oblysy);
Osakarovka aýylynda (Qaraǵandy oblysy);
Qostanaı, Arqalyq qalasynda, Amanqaraǵaı stansıasynda (Qostanaı oblysy).
«Atalǵan otyn bazalaryna kómir jetkizý temirjol kóligi arqyly úzdiksiz júzege asyrylady. Osylaısha, bul óńirlerdegi satyp alýshylarǵa Shubarkól ken ornyna baryp, birneshe kún kómir kezegine turýdyń qajeti joq. Olar óz eldi mekenderinen kómir satyp ala alady», - dedi kompanıadaǵylar.
Astanada Shubarkól kómiri úsh bólshek saýda núktesinde satylyp jatyr, dedi kompanıa ókilderi. Jylytý maýsymynda Astanaǵa kúnine 10-15 vagon kómir jetkiziledi.
Qaraǵandy oblysy Nura aýdanyna qarasty aýyldardyń turǵyndary úshin eldi mekenderge múmkindiginshe jaqyn jerde qosymsha otyn bazalary ashylady, dep sendirdi kompanıadaǵylar.