Almatyda qala ákiminiń orynbasary E. Babaqumarovtyń tóraǵalyǵymen ótken Úkimettik emes uıymdarmen yntymaqtastyq jáne ózara is-qımyl jónindegi keńeste azamattyq sektordy damytýdyń ózekti máseleleri talqylandy dep habarlaıdy almaty-akshamy.kz
Kezdesý Qazaqstan Táýelsizdiginiń mereıtoıyna oraılastyrylǵan "Qoǵam men memlekettiń turaqty damýy múddesindegi áriptestiktiń 30 jyly" X Azamattyq forýmy qarsańynda ótti. Keńes otyrysy barysynda ÚEU men jergilikti atqarýshy organdardyń ókilderi megapolısti damytýdaǵy azamattyq sektordyń mańyzdy rólin talqylady.
Almaty qalasy Qoǵamdyq damý basqarmasynyń basshysy D. Esdáýletov azamattyq sektormen ózara is-qımyldy nyǵaıtý boıynsha júrgizilip jatqan jumystar týraly baıandama jasady. Sondaı-aq, qoǵamdyq mańyzy bar jáne áleýmettik jobalardy birlesip júzege asyrý týraly qalalyq bilim, mádenıet, sport, týrızm, qoǵamdyq densaýlyq, áleýmettik ál-aýqat, din isteri, kásipkerlik jáne ınvestısıalar, kreatıvti ındýstrıa jáne jasyl ekonomıka basqarmalarynyń basshylary baıandady.
Kezdesýge qatysýshylar kóterilgen máselelerdi sheshý boıynsha pikir jáne usynystar almasty. Almaty máslıhatynyń depýtaty, «Aqparattyq-resýrstyq ortalyq» QQ dırektory A.Kóbeeva, «Azamattyq qoǵamdy damytý qaýymdastyǵy» QB dırektory J. Asanova, «Qoǵamdyq joba» mekemesiniń dırektory A. Bratenkov, sonymen qatar, Keńes músheleri - ÚEU ókilderi «Aman-saýlyq» QQ prezıdenti B. Túmenova, «Men almatylyqpyn» QQ dırektory K. Avershın, Almaty qalasy ákimdigi janyndaǵy Aýǵanstandaǵy soǵys jáne jergilikti áskerı qaqtyǵystar ardagerleri men múgedekteri qoǵamdyq birlestikteriniń úılestirý keńesiniń tóraǵasy M. Abdýshkýrov, «Qazaqstannyń balalar úıleri túlekteriniń qaýymdastyǵy» qaýymdastyq nysanyndaǵy ZTB prezıdenti R. Gasanov, «Almaty qalalyq múgedekter qoǵamy» QB tóraǵasynyń orynbasary Ý. İńkárbekov, «Ulttyq Medısınalyq Asosıasıasy» RQB prezıdenti A. Sadyqova, «pedagogıka ǵylymdary akademıasy» QB basqarma tóraǵasy Á. Qusaıynov ózara is-qımyl týraly oılarymen bólisti.
Otyrysty qorytyndylaı kele, Almaty qalasy ákiminiń orynbasary Erjan Babaqumarov ákimdiktiń memlekettik jáne qoǵamdyq uıymdar arasyndaǵy yntymaqtastyqty keńeıtý boıynsha sharalar qabyldap jatqanyn atap ótti. Áleýmettik bastamalarǵa qoldaý kórsetý praktıkasy jalǵasatyn bolady.
«Mundaı ózara is-qımyl jáne qoldaý áleýmettik turaqtylyqty saqtaýdyń, dıalog pen jaýapkershilik mádenıetin damytýdyń mańyzdy sharttary bolyp tabylady. Aıtylǵan usynystar memlekettik organdar tarapynan qoldaý tabady», - dep E. Babaqumarov is-sharaǵa belsendi qatysqany úshin Keńes múshelerine alǵysyn bildirdi.