Belgili jýrnalıs, aqyn Talǵat Eshenuly «Aıqyn-Lıter» JSHS dırektory bolyp taǵaıyndaldy – dep habarlaıdy Almaty-akshamy.kz Aikyn.kz.cilteme jasap.
Talǵat Eshenuly 1974 jyly 15 qazanda qazirgi Abaı oblysy Aıakóz aýdany Tarbaǵataı aýylynda týǵan. Ál-Farabı atyndaǵy Qazaq memlekettik ulttyq ýnıversıteti Jýrnalısıka fakúltetinde oqyǵan.
1996-1997 jyldary halyqaralyq «Zaman-Qazaqstan» gazetinde, 1997-1998 jyldary «Jas alash» respýblıkalyq gazetinde tilshi, qoǵamdyq-saıası bólimniń meńgerýshisi bolyp qyzmet istedi.
1998-2004 jyldar aralyǵynda Qazaqstan Respýblıkasynyń Aqparat mınıstrliginde, Qazaqstan Respýblıkasynyń Mádenıet, aqparat jáne qoǵamdyq kelisim mınıstrliginde túrli jaýapty qyzmetter atqardy.
2004-2005 jyldar aralyǵynda «Jas alash» gazetiniń Astanadaǵy tilshiler qosynynyń jetekshisi boldy.
2005-2008 jyldary «Jas qazaq» respýblıkalyq qoǵamdyq-saıası gazetiniń bas redaktory qyzmetin atqardy. 2008-2009 jyldary QR Prezıdenti Ákimshiliginiń sektor meńgerýshisi.
2009-2010 jyldary «Nur Otan» partıasy (qazirgi «Amanat» – red.) tóraǵasynyń birinshi orynbasarynyń keńesshisi.
«Samuryq-Qazyna» ulttyq ál-aýqat qory» aksıonerlik qoǵamynda bas menedjer bolyp qyzmet etken.
«Shabyt» halyqaralyq shyǵarmashylyq jastar festıvaliniń «ádebıet», «jýrnalısıka» nomınasıalary boıynsha (1999 jyl, 2000 jyl) jeńimpazy. J.Nájimedenov, T.Aıbergenov atyndaǵy syılyqtardyń laýreaty.
QR Prezıdenti stıpendıasynyń (1999 jyl), «Daryn» memlekettik jastar syılyǵynyń ıegeri (2006 jyl). «Qazaqstan Respýblıkasynyń Táýelsizdigine 10 jyl» medalimen, «Abaı» halyqaralyq medalimen marapattalǵan.