28 sáýir kúni respýblıka aýmaǵynyń basym bóliginde ashyq, jaýyn-shashynsyz aýa raıy saqtalady, dep habarlaıdy Almaty-akshamy.kz.
Elimizdiń tek batys jartysynda, qıyr soltústiginde, ońtústik-shyǵysynda jańbyr jaýady. Almaty oblysynyń taýly aýdandarynda jańbyr men qar túrinde jaýyn-shashyn kútiledi. Barlyq óńirde ekpindi jel turady, ońtústikte onymen birge shańdy daýyl bolady.
Atap aıtqanda, Túrkistan oblysynyń soltústiginde, batysynda, taýly aýdandarynda kúndiz jeldiń ekpini 25 m/s kúsheıedi. Óńirdiń soltústiginde, batysynda shańdy daýyl turady.
Jambyl oblysynyń ońtústik-batysynda, soltústik-shyǵysynda, taýly aýdandarynda jeldiń kúshi 23-28 m/s artatyny boljanady.
Túnde Soltústik Qazaqstan oblysynyń batysta, kúndiz basym bóliginde jeldiń jyldamdyǵy 23-28 m/s kúsheıedi.
Tańerteń jáne kúndiz Qyzylorda oblysynyń ortalyǵynda, shyǵysynda jeldiń ekpini 23 m/s artady. Kúndiz óńirdiń ortalyǵynda shańdy daýyl kútiledi.
Almaty oblysynyń soltústik-shyǵysynda jeldiń kúshi 25 m/s jetedi. Kúndiz Batys Qazaqstan oblysynyń shyǵysynda jeldiń ekpini 15-20 m/s artady.
Túnde Qostanaı oblysynyń batysynda, soltústiginde, kúndiz oblystyń basym bóliginde jeldiń ekpini 23 m/s kúsheıýi yqtımal.
Túnde jáne tańerteń Atyraý oblysynyń batysynda tuman kútiledi.
Sondaı-aq Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi boljanady.