Bıyl «Almaty jastary» jobasy aıasynda qalanyń 1 myń turǵyny baspanaly bolady, dep habarlaıdy almaty-akshamy.kz
Almaty ákimdigi baspasóz qyzmetiniń málimetinshe, qujattar men ótinishterdi qabyldaý mamyr aıyna josparlanǵan. Nesıeniń eń joǵary somasy 18 mln teńgege deıin.
Jeńildikpen nesıelendirý boıynsha «Almaty jastary» qalalyq baǵdarlamasy sheńberinde ótinimder men qujattardy qabyldaý naqty qashan bastalatyny, baǵdarlamanyń bıylǵy jylǵy sharttary men talaptary boıynsha aqparat qalalyq turǵyn úı saıasaty basqarmasynyń saıtynda jáne áleýmettik jelidegi paraqshalarynda jarıalanatyn bolady.
Osy baǵdarlama aıasynda bıyl 1 myń jas otbasy baspanamen qamtamasyz etiledi.
Aıta keteıik, baǵdarlamaǵa 35 jasqa deıingi jastar qatysa alady, olar: medısına qyzmetkerleri, muǵalimder, JOO men ǴZI oqytýshylary, ǵylymı qyzmetkerleri, mádenıet jáne sport salasynyń qyzmetkerleri, jýrnalıser, jazýshylar, halyqty áleýmettik qorǵaý jáne quqyq qorǵaý organdarynyń mamandary.
2020 jyly úı alýǵa beriletin qaryz 13 mln teńge edi. Byltyr nesıe kólemi 18 mln teńgege arttyryldy. Eger ótinim qabyldansa, onyń 10 paıyzyn, ıaǵnı 1,8 mıllıon teńgeni bastapqy jarna retinde tólep, 18 mln teńgege baspana alýǵa bolady.