Almatyda turaqty epıdemıologıalyq jaǵdaıdy qamtamasyz etý maqsatynda halyqty vaksınalaý jáne revaksınasıalaý jalǵasýda, dep habarlaıdy Almaty-akshamy.kz Almaty qalasynyń sanıtarlyq-epıdemıologıalyq baqylaý departamentine silteme jasap.
Vedomstvonyń málimetinshe, Almaty qalasynda 2021 jylǵy 1 aqpannan bastap 2022 jylǵy 26 sáýirge deıin KVI-ǵa qarsy I komponentpen 1 178 796 adam egildi, al vaksınasıanyń tolyq kýrsymen 1 143 424 adam qamtyldy. Sondaı-aq, 26 sáýir kúni KVI-ǵa qarsy 365 855 adam revaksınalaýdan ótti. Bul revaksınalaýǵa jatatyn adamdar sanynyń 47,8%-yn quraıdy.
Jalpy, Almatyda KVI boıynsha epıdemıologıalyq jaǵdaı turaqty jáne qala «jasyl» aımaqta tur. Degenmen, qalada ujymdyq ımýnıtet búginde 59,8%-dy quraıdy. Bul turaqty epıdemıologıalyq jaǵdaıdy ustap turý úshin jetkiliksiz (ımýndyq qabattyń keminde 80%-yna qol jetkizý qajet).
Qazirgi ýaqytta Almaty qalasyndaǵy barlyq qalalyq emhanalarda Qaz COVIDin/Qazvak, VeroCell, «Komırnatı» (Pfizer, AQSH) sıaqty COVID-19-ǵa qarsy vaksınalar jetkilikti mólsherde bar. Barlyq tilek bildirýshiler turǵylyqty jeri nemese jumys, oqý orny boıynsha aýmaqtyq qalalyq emhanalarda COVID-19-ǵa qarsy vaksınasıa, revaksınalaýdan ótýlerine bolady.
«Almaty qalasynyń sanıtarlyq-epıdemıologıalyq baqylaý departamenti qaladaǵy turaqty epıdemıologıalyq jaǵdaıdy saqtaý maqsatynda turǵyndardy azamattyq jaýapkershilik tanytyp, KVI-ǵa qarsy vaksınasıa men revaksınasıany keıinge qaldyrmaýǵa shaqyrady. Tek ujymdyq ımýnıtet bizge ádettegi ómir saltyn júrgizýge múmkindik beredi. Vaksınalaý - COVID-19 pandemıasymen kúresýdiń eń tıimdi ádisi! Aýrýdy emdeýden góri aldyn alý ońaı», - delinedi departamenttiń habarlamasynda.