Almatyda 9 mamyrdaǵy merekelik is-sharalar: qozǵalysty uıymdastyrý jáne tasymaldaý baǵyttary
Uly Otan soǵysyndaǵy Jeńistiń 80 jyldyǵyna oraı 9 mamyrda gúl shoqtaryn qoıý saltanaty ótetindikten, 28 gvardıashy-panfılovshylar saıabaǵy aýmaǵynda kólik qozǵalysy ýaqytsha shekteledi.
Saǵat 07:00-den 12:00-ge deıin Qonaev – Jibek joly – Qazybek bı – Báribaev kósheleri shekteletin aýmaqta kólik qozǵalysy toqtatylady. Bul aýmaqta avtoturaq ta ýaqytsha jabylady.
Sondaı-aq, osy ýaqyt aralyǵynda Gogol kóshesi Ortalyq mádenıet jáne demalys saıabaǵynan Qonaev kóshesine deıin tolyqtaı jabylady. Osy kezeńde kólikterdi bul kóshe boıynda qaldyrmaýdy suraımyz.
İs-sharaǵa qatysýshylarǵa yńǵaıly bolý úshin 28 gvardıashy-panfılovshylar saıabaǵynan kelesi baǵyttar boıynsha birjaqty tegin tasymaldaý uıymdastyrylady:
– Dostyq dańǵyly (Tóle bı jáne Qazybek bı kósheleriniń arasy) – Abaı alańy – Ortalyq stadıon;
– Qaldaıaqov kóshesi (Gogol kóshesiniń ońtústiginde) – Halyq Arena;
– Gogol kóshesi (Qonaev kóshesiniń buryshy) – Raıymbek batyr dańǵyly / Abylaı han kóshesi;
– Qonaev kóshesi (Gogol men Qazybek bı kósheleriniń arasy) – «Sálem» bazary;
– Gogol kóshesi (Qaldaıaqov kóshesinen batysqa qaraı) – Almaty Arena.
Marshrýttaryńyzdy josparlaý kezinde ýaqytsha shekteýdi eskerýdi jáne múmkindiginshe balama joldardy tańdaýdy suraımyz.
Qoǵamdyq kólik marshrýttarynyń ózgerisi myna qujatta tirkelgen: https://t.me/AlmatyJoly/1661