Fransıada soǵys jyldary qaza tapqan qazaqstandyq jaýyngerlerge taǵzym etildi, dep habarlaıdy aqshamnews.kz
Eske alý sharasy O-de-Frans aımaǵyndaǵy Nýaıe-San-Marten zıratynda ótti. Bul – keńes áskeri jaýyngerlerine arnalǵan Fransıadaǵy eń úlken qorym.
Jeńistiń 80 jyldyǵyna oraı uıymdastyrylǵan rásimge "24KZ" telearnasynyń aqparatynsha, Qazaqstan, Reseı, Ázerbaıjan, Belarýs, Armenıa jáne Tájikstannyń dıplomattary qatysty. Olar eskertkishterge gúl shoqtaryn qoıyp, bir mınýt únsizdik jarıalandy.
"Surapyl soǵys jyldary Keńes Odaǵynyń 27 mln azamaty qaza tapty. Olardyń 20 mıllıony qatardaǵy jaýyngerler. Osy zıratta keńes áskeriniń birneshe myń sarbazy jerlengen. Keıbiri Fransıaǵa kenish pen zaýytta jumys isteýge jiberildi. Biraq, kóbi Qarsylasý qozǵalysyna qosyldy. Olar Keńes áskeriniń jaýyngeri bola tura, Fransıanyń erkindigi úshin erlikpen kúresti", dedi tarıh jónindegi qaýymdastyqtyń jetekshisi Sılvan Pınar.