Almatyda kóshpeli bult shyǵady, jaýyn-shashynsyz.
Sınoptıkter Qazaqstanda 2023 jylǵy 7 qańtarǵa arnalǵan aýa raıy boljamyn usyndy, dep habarlaıdy Almaty-akshamy.kz.
"Qazgıdromet" RMK usynǵan málimeti boıynsha, elimizdiń basym bóligi antısıklonnyń yqpalynda bolady, soǵan baılanysty aýa raıy negizinen jaýyn-shashynsyz bolady.
Sınoptıkterdiń boljamynsha, soltústik sıklonnyń oıpaty Qazaqstan Respýblıkasynyń soltústik oblystaryna ǵana áser etedi, sonyń saldarynan azdaǵan qar jaýyp, jaıaý burqasyn soǵady, jel kúsheıedi, batysta, soltústikte jáne ońtústikte tuman túsedi.
Túnde Almaty oblysynyń soltústigi men shyǵysynda, soltústikte, ortalyqta, Jetisý oblysynyń taýly aımaqtarynda 25 gradýsqa deıin qatty aıaz boljandy.
Astanada kóshpeli bult shyǵady, keı jerlerde azdaǵan qar jaýady, burqasyn soǵady. Ońtústik-batystan soǵatyn jeldiń kúshi 9-14, keıde ekpini 15-20 m/s bolady. Aýa temperatýrasy túnde 14-16, kúndiz 8-10 aıaz.
Almatyda kóshpeli bult shyǵady, jaýyn-shashynsyz. Jel 0-5 m/s. Aýa temperatýrasy túnde 12-14, kúndiz 1-3 aıaz.
Shymkentte kóshpeli bult shyǵady, jaýyn-shashynsyz. Túnde jáne tańerteń tuman. Ońtústik-shyǵystan 3-8 m/s jel soǵady. Aýa temperatýrasy túnde 10-12 aıaz, kúndiz 2-4 jyly.