Zardap shekkender men qurban bolǵandar joq.
Almaty turǵyndary jer silkinisin sezindi, dep habarlaıdy Almaty-akshamy.kz.
«27 qańtar kúni saǵat 06:11-de Almaty qalasynda jer silkinisi tirkeldi. Zardap shekkender men qurban bolǵandar, búlingen dúnıe joq, ahýal turaqty. «112» jáne «101» júıelerine turǵyndardan qońyraý túsken joq.
«Qazseldenqorǵaý» MM málimetteri boıynsha, gıdrotehnıkalyq qurylystarda, kóshkin jáne sel júrý qaýpi bar ýchaskelerde búliný, shógý jáne jaryqshaqtar anyqtalǵan joq», - delingen Tótenshe jaǵdaılar departamentiniń málimetinde.
«Seısmologıalyq tájirıbe ádistemelik ekspedısıasy» MM seısmıkalyq stansıalar jelisiniń dereginshe, zilzala oshaǵy Almaty qalasynan 191 shaqyrym jerde, Qyrǵyz Respýblıkasy aýmaǵynda ornalasqan.
Energetıkalyq sanaty – 11.9 MPV, magnıtýdasy – 5.2. Tereńdigi – 10 shaqyrym. MSK-64 baǵany boıynsha Almatyda 2 -3 bal qýatymen sezilgen.