Robot adam organızmine zıanyn tıgizetin mıkroplastıktiń qaldyqtaryn jınaıdy
Qytaılyq ǵalymdar álemdik muhıtty mıkroplastıkten tazartatyn robot-balyq oılap tapty, dep habarlaıdy Almaty-akshamy.kz.
Sychýan ýnıversıtetiniń ǵalymdary plasık qoqys ydyraǵan soń túziletin mıkroplastıktiń qaldyqtaryn «jeıtin» erekshe balyq jasap shyǵardy dep jazady «Habar 24».
Bolashaqta bıonıkalyq mashına álemdegi muhıt sýyn tazartýǵa kómektesedi dep kútilýde. Uzyndyǵy bir jarym santımetrdi quraıtyn qurylǵy syrttaı qaraǵanda kádimgi balyqqa uqsaıdy jáne oǵan ınfraqyzyl sáýle baǵyttalsa, qozǵalady.
Robot plasık qoqys ydyraǵan soń túzilip, adam organızmine zıanyn tıgizetin mıkroplastıktiń qaldyqtaryn jınaıdy.
«Mıkroplastık aýyr metal syndy zıandy zattardy tartatyn keýekti qurylymnan turatyny belgili. Bul onyń ýyttylyǵyn odan saıyn kúsheıte túsedi. Ol ádettegi plasıkke qaraǵanda adamǵa kóbirek zıan tıgizedi. Sondyqtan osy problemamen kúresýdi qolǵa aldyq», - deıdi robotty ázirlegen ǵalymdar.