Toqty
Batyl bolyńyz, sonda kez kelgen máseleniń sheshimin tabasyz. Aptanyń sońynda saıahattaýǵa jaqsy múmkindik bolady, siz keremet demalyp qalasyz. Ózińizge qajetti zatty satyp alyńyz. Demalys kúnderi jaqyndaryńyz kómek surasa, bas tartpańyz.
Torpaq
Osy aptada emosıonaldy jaıly orta qalyptasady. Sizdi jan-jaqty qoldaıtyn jáne qurmetteıtin adamdar ǵana qorshaıdy. Olardyń kómegimen siz óz mansabyńyzdy nemese jeke bıznesińizdi damytýda úlken serpilis jasaı alasyz.
Egizder
Jańa ıdeıalar men josparlar qurýda asa uqypty bolyńyz. Alǵa qoıǵan maqsattaryńyzdy júzege asyrýǵa múmkindik týyp tur. Sheshim qabyldarda «jeti ret ólshep, bir ret kesýdi» este ustańyz, bárine birdeı úlgermeısiz. «Aıtylǵan sóz atylǵan oqpen teń» demekshi, ár sózińizge abaı bolyńyz.
Arystan
Apta otbasylyq ómirge mańyzdy qadamdar jasaýǵa qolaıly bolmaq. Shyǵarmashylyq jolynda júrgen adamdar úlken oljaǵa kenelmek. İstegen áreketterińizde barynsha saq bolsańyz dene jaraqatynan aman bolyp, ózińizdi qorshaǵan adamdarmen sózge kelip, renjisýden alys bolýyńyz múmkin.
Shaıan
Bul kúnder siz úshin qarbalasqa toly bolmaq. Otbasynda jáne jumysta, oqýda jolyqqan kedergilerge sabyrlylyq tanytyńyz. Tek jalqaýlyqqa jol bermeńiz. Sebebi, keı adamdardyń shamyna tıip, sógis alyp qalýyńyz ǵajap emes.
Bıkesh
Ár kúnińiz oılanyp, tolǵanatyn jumystarǵa toly bolmaq. Logıkalyq oılaýdyń jetpeıtindigin bilip, ishki túısigińizge de júginýińiz múmkin. Jeke ómirińizde de eleýli ózgerister bolmaq. Ol adamdy sizdiń syrtqy kelbetińizden bólek, zerdeligińiz de qyzyqtyrady.
Tarazy
Batyl qadamdarǵa barýdyń qajeti joq. Báribir baǵalanbaıdy. Odan góri jınalyp qalǵan usaq-túıek problemalardy sheshýge tyrysyńyz. Bul kúnderi kóptegen kezdesý, tynymsyz qońyraýlardan qolyńyz bosamaıdy. Tipti, sharýa shash etekten bolatyny sondaı, keıbir tarazylar aıaqastynan ózderine ózderi demalys jarıalaýy múmkin.
Saryshaıan
Sizdi kóptegen kezdesý kútip tur. Keshkisin oryn alatyn jańa tanystyq sizdiń ómirińizdi birjolata ózgertýi múmkin. Siz ol tanystyqtan qashpańyz. Áldebir jetistikterge jetý úshin neǵurlym tózimdi bolǵan abzal.
Mergen
Oılaryńyzdy qupıa saqtańyz. Ár bastaǵan isińiz ońǵa basady. Qarjylyq jaǵdaıyńyz rettelip, oıǵa alǵan maqsattaryńyz júzege asa bastaıdy. Otbasyńyzda shýaq ornap, baqytqa kenelesiz. Áleýmettik problemalar da artta qalady.
Taýeshki
Alǵa qoıǵan maqsatyńyzǵa jetip, aıaqasty paıda bolǵan qıyn máselelerdiń sheshýin ońaı tabasyz. Osy kúnge deıin oqyp-bilgen, kórgen, jetken jetistikterińiz ben bilimińizdi jınalǵan jurttyń aldynda kórsetýge qolaıly ýaqyt týmaq.
Sýquıǵysh
Osy aptada taǵdyrdyń tamasha syıy az bolmasy anyq. Kútpegen jerden jaqsy usynystar túsýi ǵajap emes. Keshke jalǵyz qalyp, jetken jetistikterińiz jaıly jaqsylap oılanýyńyz sizge kúsh-jiger syılary sózsiz.
Balyqtar
Bul aptada belsendi bolýǵa tyrysyńyz. Mindetti túrde jolyńyz bolady. Bul kúnderi bolashaǵyńyzdyń jarqyn bolýyna áser etetin tulǵalarmen tanysasyz. Qaı jerde bolmasyn sóz talastyrýdan aýlaq bolyńyz.
Daıyndaǵan Aqtolqyn TURLYǴAZY.