Túrkıanyń soltústik-batysynda Chanakkale provınsıasynda 11 saǵattan beri orman órtenip jatyr. 1 104 adam evakýasıalandy, dep habarlaıdy Almaty-akshamy.kz Anadolu agenttigine silteme jasap.
Túrkıanyń aýyl jáne orman sharýashylyǵy mınıstri Ibragım Iýmakly órtti ázirge baqylaýǵa alý múmkin bolmaı otyrǵanyn habarlady jáne bılik barlyq jaǵdaıǵa daıyndalyp jatyr. Qazir alty aýyl evakýasıalandy, taǵy úsh aýyl evakýasıaǵa daıyn. Órt 1500 gektardy sharpyǵan. 7 úı tolyq órtenip, 48 adam aýrýhanaǵa jatqyzyldy.
Túrkıa kólik jáne ınfraqurylym mınıstrligi orman órtine baılanysty Chanakkale-Kepez aýdanynda ońtústik-soltústik baǵytqa júzetin kemeler qozǵalysy ýaqytsha toqtatylǵanyn habarlady. Qozǵalys eki baǵyttan bir baǵytqa aınaldy.
«Órt teńiz jaǵalaýyn sharpyǵan jaǵdaıda Jaǵalaý qaýipsizdigi bas basqarmasynyń súıretkishteri kómek kórsetýge daıyn tur», - delingen mınıstrliktiń málimdemesinde.
Eske salaıyq, taıaýda Túrkıa ortalyǵynda Eskıshehır provınsıasynda temperatýradan jańa rekord ornady: 49,5 gradýs. Buǵan deıingi rekord 2021 jyldyń 20 shildesinde Shırnak provınsıasynda (49,1 gradýs) bolǵan edi.