Bul týraly tótenshe jaǵdaı mınıstrligi málimdedi.
Atyraý oblysy Qulsary qalasynda sýdy tehnıkamen sorý arqyly avarıalyq-qutqarý jumystaryn júrgizý barysynda 2001 jylǵy qutqarýshy kóz jumdy, dep habarlaıdy Almaty-akshamy.kz
Aqparatqa sáıkes, 2024 jyly 29 mamyrda Atyraý qalasy №1 mamandandyrylǵan órt sóndirý bóliminiń bólimshe komandıri azamattyq qorǵaý serjanty Raqym Beıbarys Jalǵasbaıuly Qulsaryda sý sorý boıynsha avarıalyq-qutqarý jumystaryn júrgizý barysynda qaıtys bolǵan. Oqıǵanyń mán-jaıy anyqtalýda.
Raqym Beıbarys 2001 jyly Atyraý qalasynda týǵan. Azamattyq qorǵaý organdarynda 2021 jyldan bastap qyzmet etken. Osy qysqa ýaqyt ishinde birneshe iri, kúrdeli órtterge qatysyp, adam ómirin, múlkin qutqarýda, qorǵaýda bar kúsh-jigerin salyp, halyq alǵysyna da bólengeni habarlanady.
«Beıbarystyń artynda ata-anasy, baýyrlary men jary qaldy. Otbasyna, týǵan-týystaryna qaıǵyryp kóńil aıtamyz.Ol óz isiniń kásibı mamany retinde júregimizde máńgi qalady. Áriptesimizdiń ımany salamat bolyp, peıishte nury shalqyǵaı», – dep kóńil aıtty departament.