Almatyda Naýryz merekesinde eń iri hor Abaıdyń shyǵarmalaryn oryndaıdy jáne merekelik konsertter men qoıylymdar bolady
Naýryz meıramy jáne Abaı Qunanbaıulynyń 180 jyldyǵy aıasynda Almatyda uly oıshyl jáne aqynnyń shyǵarmalary eń aýqyıdy hormen oryndalady. 22 naýryz kúni saǵat 9:00-de Abaı dańǵyly boıynda, Abaı atyndaǵy alańnan bastap Nazarbaev dańǵylyna deıin 5000-nan astam adam jınalady. Olardyń qatarynda tanymal solıser, B. Baıqadamov atyndaǵy Memlekettik hor kapelasynyń artıseri, P. Chaıkovskıı atyndaǵy Almaty mýzykalyq kolejiniń stýdentteri, Qurmanǵazy atyndaǵy Qazaq ulttyq konservatorıasynyń stýdentteri, sondaı-aq qala turǵyndary men qonaqtary bolady.
Saǵat 9:30-da hor uly aqyn Abaı Qunanbaıulynyń «Kózimniń qarasy», «Jelsiz túnde jaryq aı» jáne «Aıttym sálem, Qalamqas» shyǵarmalaryn qosylyp shyrqaıdy.
Bul sımvolıkalyq performans Naýryz merekesiniń – jańarý, úılesim jáne rýhanı birliktiń belgisi bolmaq. Myńdaǵan adamnyń daýsy bir tolqynda úndesip, qalany ulttyq mura men mádenı ulylyqtyń rýhymen toltyrady.
Sondaı-aq, 22 naýryz kúni saǵat 10:30-dan 21:00-ge deıin Abaı alańynda «Jańa ǵasyr» teatry artıseriniń qoıylymdary, tanymal ánshilerdiń án shashýy jáne túrli is-sharalar ótedi. Respýblıka saraıynyń aldyndaǵy sahnada «Steppe sons» toby, Jámılá Serkebaeva, «Tumar» toby, «Uly dala qyzdary» toby, Nurjan Tájikenov, «Jumyr qylysh» toby, «ILIGAI» toby, «MýzArt Life» dýeti, «Aldaspan» toby, sondaı-aq Bıbigúl Qılymhan, Dıas Murathan, Sandýǵash Stamǵazıeva, Tilek Bazarov, Maral Anarbek, Qaıratbek Bektursyn, «Alataý» dástúrli óner teatrynyń artıseri jáne basqa da tanymal artıser óner kórsetedi.