Almatyda medısınalyq-áleýmettik mekemelerdiń qyzmetkerlerine 2015 jyldan beri alǵash ret laýazymdyq jalaqysyna 30% ústemeaqy qosylady, dep habarlaıdy aqshamnews.kz.
Bul sheshim máslıhattyń XXVIII sesıasynda depýtattar tarapynan qoldaý tapty. Qosymsha tólemderdi 1 632 qyzmetker alady, alaıda medısına qyzmetkerlerine bul ózgeris qatysty emes.
Áleýmettik qyzmetkerlerdiń jumysy mańyzdy bolǵanymen, olardyń jalaqysy tómen deńgeıde qalyp otyr. Ústemeaqynyń engizilýi qyzmetkerlerdiń yntasyn arttyryp, áleýmettik mekemelerdegi kadr turaqtylyǵyn qamtamasyz etedi.Baýyrjan Jaýbasov, Almaty qalalyq jumyspen qamtý jáne áleýmettik baǵdarlamalar basqarmasynyń basshysy: «Jalaqynyń tómen bolýyna baılanysty áleýmettik qyzmetkerler arasynda bilikti mamandardyń ketýi baıqalady. Buǵan kásibı kúızelis pen jeke sektordaǵy joǵary jalaqy básekelestigi áser etedi».
Qazirgi ýaqytta Almatyda 13 áleýmettik mekeme jumys isteıdi. Olar erekshe qajettiligi bar adamdarǵa, jalǵyzbasty qarttarǵa jáne ómirinde qıyndyq bolyp jatqan azamattarǵa kómek kórsetedi.