Bas josparda halyqtyń ósýi jáne ony 2040 jylǵa qaraı qalanyń saıası ortalyqtary men ınfraqurylymyn damytý arqyly birkelki bólý kózdelgen. Bul Almatynyń JÓÓ-ni 2,5 ese, 17,8 trln. teńge den 44,5 trln. teńgege deıin arttyrýǵa múmkindik beredi.
Jaqsy damyǵan qalalarda halyqtyń ómir súrý deńgeıi men jaılylyǵy kórsetiletin komýnaldyq qyzmetterdiń sapasyna tikeleı baılanysty. Búgingi tańda ortalyq jáne jatyn aýdandar 100% komýnaldyq qyzmetterimen qamtamasyz etilgen, dep habarlaıdy Almaty-akshamy.kz
Qosylǵan aýmaqtarda 30 myń turǵynǵa (1,5%) ortalyqtandyrylǵan sýmen jabdyqtaýǵa, 286 myń turǵynǵa (14,3%) sý burýǵa qol jetimdilik joq., elektr kabeli men transformatorlardyń úlken tozýy.
Qoldanystaǵy jelilerdiń negizgi bóligi keńes jyldarynda salynǵan, nátıjesinde paıdalaný kezeńinde úlken shyǵyndar bar. Turaqty úzilister men apattar oryn alady.
Qoldanystaǵy jelilerdi aýqymdy qaıta qurý júrgizilgen joq. Tek apatty qalpyna keltirý jumystary júrgizildi. Bul turaqty úzilister men óshirýlerge ákeledi.
Nátıjesinde bizde sýmen jabdyqtaý jelileri – 57%, sý burý – 58 %, jylýmen jabdyqtaý – 60%, elektr jelisi – 65% jáne gazben jabdyqtaý – 36% tozýy joǵary.
Búgingi tarıfter kezinde qurylys jáne rekonstrýksıalaý boıynsha qabyldanyp jatqan sharalar ınjenerlik jelilerdiń tozý deńgeıin tómendetpeıtinin, tek tejeıtinin aıta ótý kerek.
Tarıfterdiń shamaly ósýi monopolıserdiń komýnaldyq kásiporyndary shyǵyndarynyń bir bóligin ǵana óteıdi, jelilerdi jańǵyrtýǵa ınvestısıa salý múmkindigin qarastyra almaıdy.
Bas josparǵa sáıkes jaǵdaıdy jaqsartý sheńberinde 2040 jylǵa deıin ınjenerlik jelilerdi aýqymdy qaıta qurýdy júrgizý josparlanýda.
Sýmen jabdyqtaý jelileri boıynsha 2040 jylǵa deıin 427 mlrd. teńgege 2,4 myń km (táýligine 1 100 myń tekshe metr), 501 mlrd. teńgege 1,1 myń km sý burý jáne 479,2 mlrd. teńgege 161 km jylýmen jabdyqtaý jelilerin salý josparlanýda.
Turǵyn úı-kommýnaldyq ınfraqurylymdy jańǵyrtýǵa arnalǵan shyǵystar búdjettik ınvestısıalar jáne "ınvestısıalarǵa aıyrbastaý tarıfi" qaǵıdaty boıynsha jańa tarıftik saıasat esebinen júzege asyrylatyn bolady.