Bul Almaty qalasyndaǵy Qazaqstan áıelder kúshteri alánsy men jergilikti ákimdiktiń bastamasynyń arqasynda múmkin bolmaq, dep habarlaıdy Almaty-akshamy.kz
Osy jeksenbi, 23 sáýirde, saǵat 19.00-de «Almaty Arena» alańynda «Jastar taza aýa úshin» atty Muz shoýy qaıyrymdylyq aksıasy ótedi. Óńirlik komýnıkasıalar qyzmetinde ótken brıfıńte almatylyq áýesqoı mánerlep syrǵanaýshylardy óner kórsetýge shaqyrdy.
Atap aıtsaq, bul jaı ǵana Muz shoýy emes, megapolıs ekologıasyn qoldaýǵa arnalǵan naǵyz sporttyq, áserli SOI (Muzdaǵy stýdentter) «Jastar taza aýa úshin» sharasy. Bes aı boıy jattyqtyrýshy – sport sheberi, Qazaqstan chempıony, Azıa jarystarynyń chempıony Regına Glazmannyń jetekshiligimen kúndelikti jattyǵýdan ótken almatylyq 11 jup stýdent kónkı tebý bıigine kóterildi.
«Muz shoýyna satylǵan bılettiń aqshasy Túrksib aýdanyndaǵy 20 muqtaj otbasynyń jeke úıin gazdandyrýǵa jumsalady. Bizdiń maqsatymyz - jastardyń nazaryn áleýmettik mańyzdy máselelerge aýdarý. Olar qandaı qundylyqtardy qoldaý jáne olardy nasıhattaýǵa qatysý kerektigin túsinýleri úshin Áıelder kúshteriniń alánsy ákimdiktiń qatysýymen barlyq máselelerdi uıymdastyrýdy óz qolyna aldy», – deıdi Qazaqstan áıelder kúshteri alánsynyń tóraıymy Raýshan Sársembaeva.
Uıymdastyrýshylar bul sharanyń shyǵyndaryn azaıtyp, qalanyń ekologıalyq jaǵdaıyn jaqsartady dep senedi. Shoý bıletteri 5000 teńgeden bastalady. Olardy satyp alý arqyly kórermender qaıyrymdylyq aksıasynyń belsendi qatysýshylaryna aınalady.
Sonymen qatar, eki kún buryn belsendi áıelder jastardyń qatysýymen taǵy bir aǵash otyrǵyzý ekojobasyn bastady.
Qazaqstan áıelder kúshteri alánsynyń Almaty qalasy boıynsha tóraǵasy Balym Bataeva megapolıste patrıottar tárbıelenetin jas kóshbasshylar mektebi ashylǵany týraly pikir qosty. Al qazirdiń ózinde bar «Jastar taza aýa úshin» jobasy ýnıversıtet stýdentteriniń arqasynda jaryqqa shyqty.
«Eshqashan kónkı teppegen stýdentter túngi ekige deıin kónkı tebýdi úırendi. Men olardyń muz aıdynynda nátıjege jetýge degen umtylysyna árqashan tánti boldym. Biz jastarǵa óz oıyn jetkizýge, basqa stýdentterge úlgi kórsetýge kómektesemiz. Sonymen qatar bul jaı ǵana qoıylym emes, qaıyrymdylyq keshi bolmaq. Sharany ótkizýge qoldaý kórsetken Almaty qalasynyń ákimi Erbolat Dosaevqa alǵysymyz sheksiz.
Stýdentterdiń qýanyp, shattanǵanyn kórseńizder. Endi qala turǵyndarynyń qoldaýymen bılet satyp alyp, osy jobanyń qatysýshysy bolyp, baǵaly syılyqtar utysyna qatysa alatynyn kórgim keledi», - dep bólisti óz oıyn Balym Bataeva.
Belsendi áıelder ázirge úılerin, otbasyn otynmen jylytatyn muqtaj 20 otbasyna jeke barǵandaryn aıtty.
«Kómir jaǵý aýanyń lastanýy men adam densaýlyǵyna úlken ekologıalyq qaýip tóndiredi. 2019 jyly Almaty álemdegi ekologıalyq qaýipti 100 qalanyń qataryna endi, 95-shi oryndy ıelengen. Biz birlesken kúsh-jiger arqyly qalamyzdyń gúldenýine áser ete alamyz dep oılaımyn», - dep qosty sóz sońynda «Áıelder kúshteri alánsy» uıymynyń múshesi, jobanyń demeýshisi Araı Tólemisova.
Aıta ketek, Qazaqstan áıelder kúshteriniń alánsy 2019 jyldan beri áıelder men balalardyń quqyqtaryn qorǵaý salasynda qyzmet jasaıdy, sondaı-aq áleýmettik ótkir máselelerdi sheshýge de belsendi túrde qatysady.
Qazirgi ýaqytta Aláns fılıaldary elimizdiń 20-dan astam óńirinde keń qurylymǵa ıe jáne halyqtyń áleýmettik osal toptaryndaǵy jumyssyz áıelderdi oqytýǵa jáne jumysqa ornalastyrýǵa arnaıy «Bastaý», «Járdem» sıaqty áleýmettik mańyzy bar jobalardy júzege asyrýǵa baǵyttalǵan.