Qazaqstanda jańa Salyq kodeksi qabyldanbaq, dep habarlaıdy aqshamnews.kz
Qazirgi ýaqytta qujat Senatta birinshi oqylymda qaralyp jatyr. Eger zań jobasy maquldansa, 2026 jyldyń 1 qańtarynan bastap jańa erejeler kúshine enedi.
Eń basty ózgerister:
— Korporatıvtik tabys salyǵy (KTS) – 20%, bankter úshin – 25%
— Qosylǵan qun salyǵy (QQS) – qazirgi 12%-dan 16%-ǵa deıin ósedi
▪️ Dári-dármek, medısınalyq buıymdar men qyzmetter úshin jeńildetilgen mólsherleme saqtalady:
2026 jyly – 5%, 2027 jyly – 10%.
— QQS tirkeý shegi eki ese tómendeıdi – 20 000 AEK-tan 10 000 AEK-qa deıin (shamamen 78,3 mln tg-den 39,1 mln teńgege deıin).
— Jeke tabys salyǵy (JTS) – jyldyq tabysy 8 500 AEK-ten (shamamen 33,3 mln teńge) asatyn jeke tulǵalar úshin 15% mólsherinde belgilenedi.
— Aksızder kóteriledi: alkogól men temekige qosa, energetıkalyq sýsyndarǵa da engiziledi
— Qymbat múlikke salynatyn salyq engiziledi:
▪️ 75 mln teńgeden qymbat kólikterge – 10% aksız
▪️ 450 mln teńgeden asatyn jyljymaıtyn múlikke – 2% salyq
▪️ Iahtalar men ushaqtarǵa – 100 mln teńgeden bastap
Salyq rejımderi qysqarady:
Qazirgi 7 salyq tártibiniń ornyna 3 ǵana qalady:
Ózin-ózi jumyspen qamtyǵandar úshin – 4% salyq, jyldyq tabysy 15 mln teńgeden aspaýy tıis. IP retinde tirkelý mindetti emes.
Jeńildetilgen deklarasıa – tabys shegi 600 000 AEK nemese shamamen 2,35 mlrd teńge. Salyq mólsheri – 4%, biraq jergilikti máslıhat 2%-dan 6%-ǵa deıin ózgerte alady.
Sharýa qojalyqtary men fermerler – burynǵy tártip saqtalady, biraq endi jer salyǵynyń ornyna JTS tólenedi.