2026-2027 oqý jylynyń basynda Almatyda oqýshy ornynyń tapshylyǵy basqarylatyn deńgeıge deıin tómendeıdi
Bul týraly OKQ brıfıńinde Almaty ákimi Erbolat Dosaev jýrnalıserdiń suraqtaryna jaýap bere otyryp aıtty. Qazirgi ýaqytta qala boıynsha oqýshy oryndarynyń tapshylyǵy 30 myńdy quraıdy. Oqýshylar sany demografıa jáne ishki kóshi-qon esebinen jyl saıyn orta eseppen 12-14 myń balaǵa artyp keledi.
"Almatyda "Jaıly mektep" ulttyq jobasy iske asyrylýda, onyń aıasynda Almatynyń jobalyq keńsesiniń qoldaýymen 2024-2025 jyldary 37,1 myń orynǵa arnalǵan 22 oqý orny salynady", – dedi Erbolat Dosaev.
Qazirgi ýaqytta 23 myń oryndy 13 mektep boıynsha jumystar júrgizilýde. Jeke ınvestorlarmen 12 myń oqýshy ornyna 8 mektep salýǵa jáne satyp alýǵa memorandýmdarǵa qol qoıyldy. Sonymen qatar, MJÁ boıynsha 2 myń oryndy taǵy 1 mektep salynady. Osylaısha, 2025 jylǵy 1 qyrkúıekke qaraı oqýshy oryndarynyń tapshylyǵy basqarylatyn deńgeıge deıin 3-4 myńǵa deıin tómendetiletin bolady.
Anyqtama: bıyl 1 qyrkúıekten bastap Almatyda 4 950 oryndy 17 mektep pen 970 oryndy mektepterge qosymsha 4 ǵımarat ashyldy.