Bul týraly OKQ brıfıńinde Almaty ákimi Erbolat Dosaev jýrnalıserdiń suraqtaryna jaýap bere otyryp aıtty. Qazirgi ýaqytta Almatyda jataqhanalar salý boıynsha jumysty tıimdi úılestirý úshin Jobalyq keńse iske qosyldy. Jobalardy qoldaýǵa 114 áleýetti ınvestor júgindi.
"Búgingi tańda jumysta 42 452 tósek-orynǵa arnalǵan 47 joba bar, onyń ishinde 33 nysan 38 740 tósek-orynǵa arnalǵan jańa jataqhanalar salýdy, 15 nysan 3 712 tósek – orynǵa arnalǵan jataqhanalar retinde bar nysandardy qaıta jańartýdy kózdeıdi. Qalǵan 67 ınvestordyń jobalary boıynsha jer ýchaskelerin izdeý jumystary júrgizilýde", - dedi Erbolat Dosaev.
Qazirgi ýaqytta Almatynyń 23 jataqhanasynda 3,8 myńǵa jýyq stýdent turady. 2025 jyldyń sońyna deıin qalada 12 myń tósek-oryn, al 2030 jyldyń sońyna deıin taǵy 20 myń tósek – oryn qurylady, bul jataqhana tapshylyǵy máselesin tolyǵymen sheshýge múmkindik beredi.
Eske salsaq, "Bilim týraly" zańǵa engizilgen ózgeristerge sáıkes aǵymdaǵy jyldyń 1 qyrkúıeginen bastap stýdentterge turǵyn úı berý jáne olardy jataqhanalarmen qamtamasyz etý boıynsha biliktilik talaptary kúsheıtildi. Endi JOO-dary osy shartty saqtamasa, onda olar lısenzıasynan aıyrylady jáne bilim berý qyzmetin júzege asyra almaıdy.