Bilim sapasy boıynsha qala men aýyl arasyndaǵy alshaqtyqty azaıtý sharalary qolǵa alynady
El tarıhynda tuńǵysh ret birden 10 ulttyq joba qabyldandy. Olar qoǵam men memleket ómiriniń barlyq mańyzdy qyryn, sondaı-aq, ekonomıkanyń basym salalaryn qamtıdy, dep habarlaıdy Almaty-akshamy.kz Almaty.tv-ge silteme jasap.
Bilim jáne ǵylym mınıstri Asqat Aımaǵambetovtiń málimetinshe, «Bilimdi ult – sapaly bilim berý» ulttyq jobasy aıasynda 2025 jylǵa deıin 1 myń jańa mektep turǵyzylady. Osylaısha, eldegi úsh aýysymdy mektepter tolyǵymen joıylmaq.
Jalpy, Ulttyq joba 4 baǵyt, 5 mindet, 15 kórsetkish jáne 26 is-sharaǵa negizdelip otyr.
«Burynǵy memlekettik baǵdarlamalardan bul ulttyq jobanyń aıyrmashylyǵy – oǵan bári jaýapty bolady, ony baqylaý qolǵa alynady. Osy joba arqyly qanshama resýrstar, múmkindikter berilip otyr. Shynymen de, pandemıa kezinde kóp nárseni túsinip qaldyq. Sondyqtan ekonomıkamyz kóterilýi úshin jan-jaqty bilim kerek. Bilim-ǵylymdy damytýymyz kerek», – dedi QR Joǵary oqý oryndary qaýymdastyǵynyń prezıdenti Rahman Alshanov.
Bilim sapasy boıynsha qala men aýyl arasyndaǵy alshaqtyqty azaıtý ári respýblıkanyń bilim deńgeıin arttyrý úshin keshendi sharalar qarastyrylǵan. Sondaı-aq, «Sıfrlyq ustaz» jobasy da iske asyrylmaq. Al 2025 jylǵa qaraı shaǵyn qalalar men aýdan ortalyqtarynda jáne aýyldarda 5 myń mektep jańartylady.
Aıta ketý kerek, atalǵan joba tehnıkalyq jáne kásiptik salalarǵa da biraz ózgerister ákeledi dep kútilip otyr.