QR Mádenıet jáne aqparat mınıstrligi men Ulttyq kıno ortalyǵynyń qoldaýymen túsirilgen «Shatyrdaǵy ekeý» fılmi Hanty-Mansıı̆skide ótken XXIII Halyqaralyq debúttik kınofılmder festıvalinde «Dýsha Rossıı. Mırovoe kıno» nomınasıasy boıynsha jeńiske jetti, dep habarlaıdy aqshamnews.kz Mádenıet jáne aqparat mınıstrligine silteme jasap.
«Dýh ogná» – debúttik fılmderge arnalǵan Reseıdiń jetekshi festıválderiniń biri. Festıvál – jas rejıserler úshin mańyzdy alań. Bıyl festıválde 14 eldiń jańa fılmderi kórsetildi. Olardyń qatarynda Malaızıa, Qytaı, Ońtústik Koreıa, Japonıa, Taıland, Iran, Úndistan, Sıngapýr jáne basqa da elder bar.
«Shatyrdaǵy ekeý» fılmi – rejıser Gúlshat Smaǵulovanyń debúttik fılmi. Onda adamnyń óz ornyn tabýy, mahabbat pen meıirim sekildi mańyzdy taqyryptar qozǵalady. Týyndy kezdeısoq kezdesýler adam taǵdyryna qalaı áser etetinin baıandaıdy.
«Roskongress» Qorynyń júldesi fılmde mádenı, tarıhı qundylyqtar kórsetilip, olardyń máni tolyq ashylǵany úshin tabystalyp otyr.