Ortalyq komýnıkasıalar qyzmeti alańynda Ekologıa, geologıa jáne tabıǵı resýrstar vıse-mınıstri Álıa Shalabekova 2023 jyldyń 1 qyrkúıeginen bastap janýarlardyń ıeleri úı janýarlaryn tirkeýi kerek ekenin aıtty, dep habarlaıdy Almaty-akshamy.kz
Zań erejelerin iske asyrý úshin qazirgi ýaqytta bizdiń mınıstrlik qoǵam talqysynan jáne quzyretti memlekettik organdarmen kelisý rásimderinen ótetin normatıvtik-quqyqtyq akt jobalaryn ázirledi, - dedi vıse-mınıstr.
Álıa Shalabekova úı janýarlaryna asyraýdy retteýge baǵyttalǵan NQA jobalaryn túsindirip berdi.
- úı janýarlaryn ustaý men serýendetýdiń tıptik erejeleri;
- úı janýarlaryn esepke alý erejeleri;
- janýarlardy tasymaldaý erejeleri;
- esepke alynatyn úı janýarlarynyń tizbesi;
- turǵyn úılerde ustaýǵa tyıym salynǵan janýarlardyń tizimi;
- janýar ıesiniń erekshe jaýapkershiligin qajet etetin úı janýarlarynyń tizimi.
2023 jyldyń 1 qyrkúıeginen bastap janýarlardyń ıeleri úı janýarlaryn tirkeýi kerek. Esepke alýdyń egjeı-tegjeıli tártibi tıisti erejelerde aıqyndalady. Esepke alý ıelerdiń esebinen júzege asyrylatynyna nazar aýdarǵan jón. Al halyqtyń áleýmettik osal toptaryna jatatyn azamattarǵa bul rásimdi memleket tóleıdi, - dep túsindirdi Ekologıa mınıstrligi ókili OKQ-da.
Sondaı-aq ıtterdiń óz betimen júrýine zańmen tyıym salynady.