Bul týraly Almaty qalasynyń Eńbek jáne áleýmettik qorǵaý departamenti basshysynyń orynbasary Asqar Aımaǵambetov aıtty.
Birinshi, ekinshi jáne úshinshi bala týǵan kezde 131 100 tg (38 AEK); tórtinshi jáne odan da kóp balaǵa 217 350 tg (63 AEK) tólenedi, dep habarlaıdy Almaty-akshamy.kz
QR Prezıdenti tapsyrǵandaı, ata-analar balalarynyń eń mańyzdy kezeńi - sábı kezinde olardyń janynda uzaǵyraq bola alady.
Al eger egiz (úshem jáne t.b.) týǵan jaǵdaıda birjolǵy týý járdemaqysy ár balaǵa tólenedi jáne onyń mólsheri týý tártibine baılanysty.
Asqar Aımaǵambetov Memleket basshysy 2022 jylǵy qyrkúıekte Qazaqstan halqyna Joldaýynda bala kútimi boıynsha járdemaqy tóleý merzimin ulǵaıtýdy tapsyrǵanyn eske saldy. 2023 jylǵy qańtardan bastap Qazaqstanda bala kútimi boıynsha járdemaqy tóleý merzimi 1,5 jasqa tolǵanǵa deıin ulǵaıdy (buryn bir jasqa deıin tólengen), ol mynalardy quraıtyn bolady:
– birinshi balaǵa – 19 872 tg (5,76 AEK);
– ekinshi balaǵa – 23 495 tg (6,81 AEK);
– úshinshi balaǵa – 27 083 tg (7,85 AEK);
– tórtinshi jáne odan da kóp balaǵa – 30 705 tg (8,9 AEK).
«Jumys isteıtin analarǵa bala kútimine baılanysty úıinde otyryp tabysynan aıyrylǵan jaǵdaıda tólenetin aı saıynǵy áleýmettik tólem de memlekettik áleýmettik saqtandyrý qorynan 1,5 jylǵa deıin uzartylady jáne onyń mólsheri bala týǵanǵa deıingi sońǵy 24 aıda áleýmettik aýdarymdar júrgizilgen ortasha aılyq tabystyń 40%-yn quraıdy», - dep habarlady ÓKQ spıkeri.
Múgedek balalardy tárbıelep otyrǵan ata-analarǵa, qamqorshylarǵa memlekettik járdemaqy KD mólsherinen 1,4 kóleminde tólenedi. 2023 jylǵy qańtardan bastap bul járdemaqynyń mólsheri 56 794 teńgeni quraıdy.
I toptaǵy bala kezinen (ıaǵnı 18 jastan asqan) múgedektigi bar adamǵa kútim jasaıtyn adamdarǵa beriletin járdemaqylar 2023 jylǵy qańtardan bastap 56 794 teńgeni (KD-nen 1,4) quraıdy.
«Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan kóp balaly analarǵa beriletin járdemaqy mólsheri 22 080 teńgeni (6,4 AEK) qurady.
Ózimen birge turatyn tórt jáne odan da kóp kámeletke tolmaǵan balalary bar kóp balaly otbasylarǵa 2023 jylǵy qańtardan bastap taǵaıyndalǵan járdemaqy mólsheri:
– tórt balaǵa – 55 304 tg (16,03 AEK);
– bes balaǵa – 69 138 tg (20,04);
– alty balaǵa – 82 973 tg (24,05);
– jeti balaǵa – 96 807 tg (28,06);