2021 jyldyń qarasha aıyndaǵy iskerlik belsendilik ındeksi týraly QRUB Aqsha-kredıt saıasaty departamentiniń dırektory Jandos Shaımardanovtyń túsinik berdi.
Alynǵan baǵalaýdyń nátıjesi boıynsha, iskerlik belsendilik ındeksi qarashada 49,9 deıin azdap tómendep (qazanda – 50,1), teris aımaqqa ótti, dep habarlaıdy Almaty-akshamy.kz Nationalbank.kz-ke silteme jasap
Indekske qyzmet kórsetý sektorynda jumyspen qamtý deńgeıiniń tómendeýine jáne jetkizilim merzimderiniń sozylýyna baılanysty kórsetkishtiń 49,3-ke deıin tómendeýi (qazanda – 49,7) áser etti.
Ónerkásipte jańa tapsyrystar kóleminiń ósýine jáne jetkizilim merzimderiniń qysqarýyna baılanysty kórsetkish 50,8-ge deıin azdap kóterildi (qazanda – 50,6).
Qurylys sektorynda kórsetkish ótken aımen salystyrǵanda 49,9 deńgeıinde qalyp, ózgergen joq.
.jpg)
Óńirler boıynsha qarashada 6 óńirde iskerlik belsendiliktiń jaqsarǵany, 11 óńirde nasharlaǵany baıqaldy. İskerlik belsendiliktiń neǵurlym joǵary deńgeıi Shyǵys Qazaqstan (53,7) jáne Mańǵystaý (52,9) oblystarynda, neǵurlym tómen deńgeıi Almaty oblysynda (44,2) baıqaldy.
2021 jylǵy qarashada respondentter elde bıznes júrgizý jaǵdaılarynyń jaqsarǵanyn atap ótti. Aǵymdaǵy bıznes-jaǵdaılaryn baǵalaý jónindegi jaýaptar teńgerimi 2,4 qurap (qazanda (-)1,4), oń mánge ıe boldy. Barlyq sektorlardaǵy kásiporyndar qarjyǵa/kredıtterge qoljetimdilikti oń baǵalady. Ónimge/qyzmetke suranys jáne komýnıkasıalarǵa qoljetimdilik faktorlaryn tıisinshe ónerkásip pen qurylys sektoryndaǵy kásiporyndar oń baǵalady. Bul rette, bıznesti qorǵaý men salyq júktemesi máseleleri (qurylys sektorynan basqa) teris baǵa aldy.
Kásiporyndardyń kelesi 6 aıdaǵy bolashaq bıznes-jaǵdaıǵa qatysty optımızmi tómendedi: bolashaq jaǵdaılardy baǵalaý 13,0 boldy (qazanda – 14,9). Aǵymdaǵy bıznes jaǵdaıdyń jaqsarýy nátıjesinde ekonomıka boıynsha bıznes ahýal ındeksi 7,6-ǵa deıin kóterildi (qazanda – 6,6).
2021 jylǵy qarashada pikirterimge 461: qurylysta – 67, ónerkásipte – 175, qyzmet kórsetýde – 219 kásiporyn qatysty.