Qyzmet kórsetý sapasyn arttyrý maqsatynda 2 jeltoqsannan bastap №202 jáne №205 marshrýttarǵa Foton markaly jańa avtobýstar shyǵarylatyn bolady.
Endi marshrýttarda syıymdylyǵy 85 adamǵa deıingi 12 metrlik avtobýstar qyzmet kórsetedi. Avtobýstar tabıǵı gazben júredi, pandýspen jáne aýa salqyndatqyshpen jabdyqtalǵan, dep habarlaıdy Almaty-akshamy.kz Almaty qalalyq mobıldilik basqarmasyna silteme jasap.
Buǵan deıingi avtobýstardyń syıymdylyǵy 70 adamǵa deıin bolǵan. №202 marshrýtta LıAZ markaly 15 avtobýs qyzmet kórsetken. Sońǵy aılarda josparly shyǵý 40%-ǵa tómendegendikten, 20 jańa avtobýsty osy marshrýtqa shyǵarý týraly sheshim qabyldandy. Jyljymaly quram jańartylǵannan keıin, júrý jıiligi 14-15 mınýtty quraıdy dep josparlanyp otyr.
Sonymen qatar, "Saıran" avtobeketi men Qaskeleń arasynda qatynaıtyn marshrýttyń jolaýshylar aǵymy aıyna 160 myńnan 400 myńǵa artady dep kútilýde.
Sońǵy kezderi jospar boıynsha shyǵýdyń 50%-y ǵana qamatamasyz etilip júrgen №205 marshrýtta 18 avtobýs qyzmet kórsetti. Endi "Orbıta" shaǵynaýdanynan "Jetisý" bazaryna qatynaıtyn marshrýtta 25 jańa avtobýs jolǵa shyǵarylyp, júris ıntervaly 7-9 mınýtty quraıtyn bolady.
Jolaýshylar aǵymy bul marshrýtta aıyna 300 myńnan 500 myńǵa ósedi dep kútilip otyr.
Qalalyq mobıldilik basqarmasy qyzmet kórsetý sapasyn arttyrý men júris jıiligin arttyrý baǵytynda birqatar shara qabyldap jatqandyǵyn atap ótken jón. Marshrýttarda týyndaǵan máseleler kezeń-kezeńmen sheshimin tabatyn bolady.