Qazan aıymen salystyrǵanda, syrqattanýshylyq 1,6 ese ósti.
Serik Jumanǵarın el aýmaǵynda koronavırýstyq ınfeksıanyń taralýyna jol bermeý jónindegi VAK otyrysyn ótkizdi, dep habarlaıdy Almaty-akshamy.kz Primeminister.kz cilteme jasap.
30 qarashada Premer-Mınıstrdiń orynbasary – Saýda jáne ıntegrasıa mınıstri Serik Jumanǵarınniń tóraǵalyǵymen Qazaqstan Respýblıkasynyń aýmaǵynda koronavırýstyq ınfeksıanyń taralýyna jol bermeý jónindegi vedomstvoaralyq komısıanyń otyrysy ótti.
Respýblıkada qarashada qazan aıymen salystyrǵanda syrqattanýshylyq 1,6 ese ósti (aptasyna 453-ten 725 jaǵdaıǵa deıin). Densaýlyq saqtaý vıse-mınıstri Aıjan Esmaǵambetova atap ótkendeı, COVID-19-ǵa testileý sany azaıdy, sebebi aýrý jeńildeı bastady, kóbi medısınalyq kómekke júginbeıdi.
Barlyq óńirlerde ınfeksıanyń reprodýktıvtilik kórsetkishi birden artyq, bul - vırýstyń halyq arasynda belsendi aınalymy men taralýynyń belgisi.
Óńirler bólinisinde sońǵy aıda elimizdiń 3 óńirinde – Almaty, Astana jáne Qaraǵandy oblysynda aýrýshańdyqtyń apta saıyn 2,2 esege deıin ósýi baıqalady.
Sondaı-aq 5 óńirde (Aqmola, Atyraý, Jambyl, Ulytaý oblystary, Shymkent) sońǵy aptadan bastap syrqattaný aptasyna 3,5 esege deıin birtindep ósip keledi.
Sońǵy sekvenırleý qorytyndysy boıynsha respýblıkada Omıkron BQ.1.1 (Serber) shtamy nusqasynyń 0,5% aınalymy anyqtaldy, 99,5% – Omıkron shtamynyń basqa nusqalary.
Halyqty koronavırýsty ınfeksıaǵa qarsy vaksınasıamen qamtamasyz etý maqsatynda óńirlerge 12 jastan asqandardy vaksınasıalaý jáne revaksınasıalaý úshin Pfizer vaksınasynyń 200 myń dozasy jetkizildi.
Otyrys qorytyndysy boıynsha, oblystardyń, Almaty, Astana jáne Shymkent qalalarynyń ákimdikterine epıdemıologıalyq jaǵdaıdy, ásirese, halyqtyń sanıtarlyq-epıdemıologıalyq talaptardy saqtaýy, aqparattyq-túsindirý jumystaryn, onyń ishinde JRVI men tumaýdyń aldyn alý boıynsha sharalardy baqylaýda ustaý tapsyryldy.
Ujymdyq ımýnıtetti saqtaý úshin sońǵy vaksınasıadan keıin 6 aı aralyqpen koronavırýstyq ınfeksıaǵa qarsy revaksınasıa alý qajet, ol úshin respýblıkada koronavırýstyq ınfeksıaǵa qarsy vaksınalar mólsheri jetkilikti.