Qymbat dári-dármekpen qamtamasyz etý deńgeıi aýyl turǵyndary arasynda qala turǵyndarymen salystyrǵanda eki ese az.
Bul týraly Parlament Májilisindegi Úkimet saǵatynda QR Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz QazAqparatqa silteme jasap.
«Aýyldaǵy densaýlyq saqtaý salasynda birqatar problema bar. Dınamıkalyq baqylaý sapasynyń tómendigi, konsýltasıalyq-dıagnostıkalyq qyzmetterdiń jetkiliksiz bolýy baıqalyp otyr. Sonymen qatar, sozylmaly aýrýlary bar pasıentterdi qymbat dári-dármekpen qamtamasyz etý aýyl turǵyndary arasynda qala turǵyndarymen salystyrǵanda 2 ese az», - dedi A. Ǵınıat aýyldaǵy densaýlyq saqtaý máselesin talqalýǵa arnalǵan Úkimet saǵatynda.
Osy oraıda ol birqatar aýylda dárihana pýnktteri joq ekenin aıtty.
«Aýyldaǵy kadrlyq qamtamasyz etýge taldaý jirgizilip, 1 700-den astam medısına qyzmetkeriniń, onyń ishinde 1000-nan astam dárigerdiń tapshylyǵy anyqtaldy. Memleket basshysynyń tapsyrmasy boıynsha aýyldaǵy nysandarǵa ınventarızasıa júrgizildi. Nátıjesinde 200-den astam eldi mekende medısınalyq nysan joq, sondaı-aq 400-ge jýyq aýylda medısınalyq nysan jalǵa alynǵan nemese apattyq, beıimdelgen ǵımarattarda ornalasqan» - dedi mınıstr.
Onyń sózine qaraǵanda, aýyldyq medısınalyq-sanıtarlyq alǵashqy kómekke qatysty medısınalyq ınfraqurylymnyń tozýy 50 paıyzdan asyp otyr.