Aǵymdaǵy jyldyń 6 qazanynda Almaty qalasynyń bilim basqarmasy qala prokýratýrasymen jáne «JANYM» qoǵamdyq birlestigimen I.Esenberlın atyndaǵy № 25 gımnazıasynyń oqýshylarmen semınar-trenıng ótkizdi.
Almaty qalasy bilim basqarmasynyń qala prokýratýrasymen jáne «JANYM» QB birlesken jumysynyń negizgi mindeti fızıkalyq, jynystyq, emosıonaldyq, zorlyq-zombylyqtan zardap shekken, qaýip-qaterge tap bolǵan jasóspirimderge kómek kórsetýge baǵyttalǵan, dep habarlaıdy Almaty-akshamy.kz.
Internette (kıberbýllıng) qaýip-qaterge tap bolǵan, jaqyn adamynan aıyrylǵan, bastan keshirgen jaǵymsyz áserlerge ushyraǵan jasóspirimderge jáne olardyń jaqyndaryna qoldaý kórsetýge baǵyttalǵan.
Jumys prınsıpteri: ekologıalyq tazalyq, anonımdik, qupıalylyq, qoljetimdilik. «JANYM» QB jumysy onlaın-platformalarda uıymdastyrylǵan, sonymen qatar Instagram, Tik-Tok, Facebook sıaqty áleýmettik jelilerde aǵartýshylyq jáne profılaktıkalyq jumystar belsendi júrgizilýde.
"JANYM" QB basshysy Klújına Natalá Mıhaılovna jáne bilim basqarmasynyń psıhologıalyq súıemeldeý bóliminiń jetekshisi Kokanova Venera Sembekovna oqýshylarmen semınar-trenıng ótkizdi.
Semınar barysynda balalar tarapynan ashyq suraqtar qoıyldy, qorqynyshpen kúresýge jáne kámeletke tolmaǵandar arasyndaǵy destrýktıvti minez-qulyqtyń aldyn alýmen volonterlik qyzmetke nıet bildirýshiler boldy.
Ómirinde qıyn jaǵdaıǵa tap bolǵan kez kelgen jasóspirim jáne olardyń ata-analary bala men ata-analar arasyndaǵy qarym-qatynas týraly suraqtarǵa jaýap ala alady.
Jasóspirimder úshin seısenbi kúnderi Instagram jelisinde «Jasóspirimder qonaqjaıy», «Biz mańyzdy nárseler týraly aıtamyz» jobalary aıasynda «JANYM» QB mamandarymen jáne bilim basqarmasy janyndaǵy qalalyq bilim berýdegi jańa tehnologıalardyń ǵylymı-ádistemelik ortalyǵynyń psıhologtarymen onlaın kezdesýler ótkiziledi, jasóspirimderge arnalǵan marafondar aı saıyn qazaq jáne orys tilderinde uıymdastyrylady.
Ata-analar úshin beısenbi kúnderi kámeletke tolmaǵan balalarmen qarym-qatynas máseleleri boıynsha tikeleı efırde «Ata-analar qonaqjaıy» onlaın jobasy júzege asyrylýda.
Maqsaty - daǵdarys jaǵdaıyndaǵy jasóspirimder men olardyń ata-analaryna psıhologıalyq qoldaý kórsetý. Kómektiń bul túri jasóspirimderde sýısıdtik, devıantty, aýtodestrýktıvti minez-qulyqtyń aldyn alý bolyp tabylady.
Onlaın kómekti ómirinde qıyn jaǵdaıǵa tap bolǵan kez kelgen jasóspirim jáne olardyń ata-analary ala alady.
Psıhologtar úshin juma kúnderi tikeleı efırde "Psıhologpen suhbat" oflaın jobasy júzege asyrylýda.
