Bul týraly Óńirlik komýnıkasıalar qyzmetiniń brıfıńi barysynda Almaty qalasy Ádilet departamentiniń ókilderi málimdedi, dep habarlaıdy Almaty-akshamy.kz.
Almaty qalasy Ádilet departamentiniń zıatkerlik menshik quqyqtary bóliminiń basshysy Erkebulan Jetpisbaev azamattarǵa quqyqtyq túsindirý jumystary men quqyqtyq kómek pen keńes berý olardyń vedomstvosynyń mańyzdy baǵyttarynyń biri bolyp tabylatynyn aıtty.
Mysaly, aǵymdaǵy jyldyń 9 aıynda advokattar memleket kepildik bergen 10 509 azamatqa 129 913 750 teńge somasynda zań kómegin kórsetti.
"Quqyq mádenıeti" jáne "Rýhanı Jańǵyrý" arnaıy jobalary aıasynda Ádilet departamenti aýdandyq Halyqqa qyzmet kórsetý ortalyqtarynda, áleýmettik úılerde, Almaty qalasy aýdandarynyń ákimdikterimen birlesip, 800 myńnan astam azamatty qamtı otyryp, 322 is-shara ótkizdi", - dedi E.Jetpisbaev.
İs-sharalar sheńberinde Ádilet departamentiniń mamandary, advokattar múlik ıeleriniń birlestigin tirkeý, atqarýshylyq jazba, murany resimdeý, apostıl qoıý, zıatkerlik menshik obektilerin tirkeý jáne avtorlyq quqyq pen taýar belgisin qorǵaý, shottarǵa tyıym salý jáne atqarýshylyq is júrgizý máseleleri boıynsha keńes beredi.
Jalǵasynda Almaty qalasy Ádilet departamentiniń baspasóz hatshysy Almas Bekbotaev barlyq is-sharalarǵa zań qoǵamdastyǵynyń (advokattar, notarıýstar, jeke sot oryndaýshylary jáne zań konsýltanttary), jeke sot oryndaýshylarynyń óńirlik palatasynyń, kóshi-qon polısıasynyń ókilderi jáne Almaty qalasy máslıhatynyń depýtattary qatysatynyn aıtty.
"Quqyq túsindirý jumystary joǵary oqý oryndary janyndaǵy zań klınıkalarymen birlesip júrgiziledi, stýdentter úshin Qazaqstan Respýblıkasy zańnamasynyń normalaryn túsindirý boıynsha semınarlar ótkiziledi, sondaı-aq stýdentter alǵan bilimderin praktıkada qoldaný úshin "Ádilet keńes beredi" aksıasy sheńberinde azamattarmen kezdesýge shaqyrylady", - dep atap ótti A.Bekbotaev.
Qazirgi ýaqytta Ádilet departamenti kóshi-qon polısıasymen jáne zań qoǵamdastyǵymen birlese otyryp, Almaty qalasynyń aýdandyq HQKO-da turǵyn úıdi jalǵa berý naryǵyndaǵy alypsatarlyq dúrbeleńge baılanysty quqyqtyq túsindirý jumystaryn júrgizýde.
Almatylyqtarǵa konsýltasıa alý úshin Astana, Almaty qalalary boıynsha 199, 58-00-58 nómirlerine stasıonarlyq telefondardan qońyraý shalýǵa bolatynyn habarlady. Sondaı-aq, WhatsApp +77086935631 nómiri (Qazaqstan Respýblıkasy Ádilet mınıstrligi janyndaǵy Quqyqtyq aqparattyq qyzmet) jumys isteıdi.
Alımentter óndirip alý, zeınetaqy men járdemaqylar taǵaıyndaý, aqtaý, bosqyn nemese qandas mártebesin alý máseleleri boıynsha jeke tulǵalardyń, ata-anasynyń qamqorlyǵynsyz qalǵan kámeletke tolmaǵandardyń; mártebesine nemese jaǵdaıyna baılanysty quqyqtary men zańdy múddelerin qamtamasyz etý jáne qorǵaý máseleleri boıynsha seksýaldyq zorlyq-zombylyq, adam saýdasy, terorızm aktisi qurbandarynyń ne azaptaýlarǵa ushyraǵan qurbandardyń óteýsiz negizde advokat kómegin alýǵa quqyǵy bar