2025 jyldyń 20 sáýirinde Almatyda Almaty Half Marathon jartylaı marafony ótedi. Bıyl bul jarysqa álemniń 40-tan astam elinen 10 myń adam qatysady. Bul qalada ótetin segizinshi jartylaı marafon, dep habarlaıdy aqshamnews.kz
Jarys aıasynda dástúrli qashyqtyq qamtylady: 21,1 km (jartylaı marafon), 10 km, 10 km (skandınavıalyq júris) jáne komandalyq estafeta.
20 sáýir kúni saǵat 07:00-den 11:00-ge deıin marafon baǵyty ótetin jol ýchaskelerinde kólik qozǵalysy ishinara shekteledi.
Jarys tańǵy 07:00-de Tuńǵysh Prezıdent saıabaǵynan bastalady.
* Ál-Farabı dańǵylynyń soltústik bóligi Mustafın kóshesinen Naýaı kóshesine deıin 20 sáýir kúni saǵat 00:00-den 11:00-ge deıin jabyq bolady. Ońtústik bólik ashyq bolady.
* Mustafın kóshesinen Nazarbaev dańǵylyna deıingi ál-Farabı dańǵylynyń soltústik bóligi saǵat 06:45-ten 09:30-ǵa deıin jabylady. Ońtústik bólik ashyq.
* Seıfýllın dańǵylynyń ál-Farabı men Abaı aralyǵy saǵat 07:10-dan 08:30-ǵa deıin tolyq jabylady.
* Abaı dańǵylynyń ońtústik bóligi Saın kóshesinen Baıtursynov kóshesine deıin 08:30-dan 11:00-ge deıin jabyq bolady. Soltústik bólik ashyq.
* Abaı dańǵylynyń ońtústik bóligi Seıfýllınnen Baıtursynovqa deıin 07:20-dan 09:00-ge deıin jabylady. Soltústik bólik qozǵalysqa ashyq.
* Saın kóshesiniń shyǵys bóligi ál-Farabı men Abaı aralyǵynda 08:20-dan 10:00-ge deıin jabylady. Batys bólik ashyq bolady.
Joldardyń júktemesi men jabylýyna baılanysty Tuńǵysh Prezıdent saıabaǵyna deıin ál-Farabı – Mustafın qıylysyna deıin qoǵamdyq kólikpen jetý usynylady. Sóre (Tuńǵysh Prezıdent saıabaǵy) jáne máre (Ortalyq stadıon) mańyndaǵy avtoturaqtar qoljetimsiz bolady.