Almaty qalasynda kámeletke tolmaǵandar arasyndaǵy qūqyq būzushylyqtardyń, baqylausyz qalu jaǵdaılarynyń aldyn alu jáne ata-analar men balalardyń qūqyqtyq sauattylyǵyn arttyru maqsatynda "Jasóspírím" jedel-profılaktıkalyq ís-sharasy jalǵasyp jatyr.
Atalǵan ís-shara ayasynda Medeu audany ákímdígí janyndaǵy kámeletke tolmaǵandardyń ísterí jáne olardyń qūqyqtaryn qorǵau jóníndegí komıssıyanyń otyrysy óttí. Jıynda ata-analyq míndetterín únemí oryndamaı kele jatqan 40 jastaǵy jergílíktí tūrǵynǵa qatysty ís qaraldy. Talqylau nátıjesínde būl máselege qatysty materıaldardy ata-ana qūqyqtaryn shekteu maqsatynda kámeletke tolmaǵandardyń ísterí jóníndegí audanaralyq sotqa joldau turaly sheshím qabyldandy. Sonymen qatar sabaqqa únemí qatyspaıtyn kámeletke tolmaǵan jasóspírímníń ísí qaraldy. Komıssıya balany devıantty mínez-qūlyqty balalarǵa arnalǵan arnaıy bílím beru ūıymyna ornalastyru jónínde materıaldardy sotqa joldauǵa sheshím shyǵardy.
– Mūndaı sheshímder tek erekshe jaǵdaılarda, basqa aldyn alu sharalary nátıje bermegen jaǵdaıda ǵana qabyldanady. Bízdíń maqsat – jazalau emes, jasóspírímníń ómíríne qauíp tóngen sátte uaqytyly aralasu. Ókíníshke qaraı, kóp jaǵdaıda balalardyń qıyn jaǵdaıǵa tap boluyna eresekterdíń nemqūraılyǵy sebep bolyp otyr. Bıyl – Aldyn alu jyly. Osyǵan oraı, ata-analarǵa erekshe jauapkershílík júkteledí. Bala tárbıesí – otbasynan bastalady, úlkender úlgí boluy tıís, – dedí komıssıya otyrysynda Ílıyas Ómírseríkov.
Qazírgí tańda qalanyń barlyq audandarynda profılaktıkalyq sharalar belsendí túrde jalǵasuda. Polıtsıya qyzmetkerlerí ata-analar men zańdy ókílderdí balalardyń jaǵdaıyna beı-jaı qaramauǵa, mektep pen profılaktıkalyq organdarmen tyǵyz baılanysta boluǵa shaqyruda.