Qatelikter týraly habarlama arqyly 2gis.kz saıtynda qaldyrýǵa bolady
2 GIS qazaq tilinde testileý rejımi arqyly kartalar men uıymdardyń anyqtamalyǵyn iske qosady. Ony geoservıs parametrlerinde qosýǵa bolady. Sondaı-aq orys tili de respýblıkadaǵy paıdalanýshylardyń tańdaýy úshin qoljetimdi bolyp qala beredi, dep habarlaıdy Almaty-akshamy.kz.
Buǵan deıin Qazaqstandaǵy 2GIS qazaq tilindegi ınterfeıs – mázirler, bólimder men batyrmalardy engizgen bolatyn. 2GIS qoldanbasynyń kóptegen paıdalanýshylary muny baıqap ta úlgerdi. Endi karta derekteri men uıymdardyń anyqtamalyǵy qazaq tiline aýdaryldy. Sonyń arqasynda 2GIS júıesinde Qazaqstannyń memlekettik tilinde dúkenderdi, dárihanalardy, qoǵamdyq tamaqtaný oryndaryn, mádenı mekemelerdi, kórikti jerlerdi jáne ózge de oryndardy izdeýge jáne tabýǵa bolady. Anyqtamalyq derekter men kartalar respýblıkanyń 41 qalasy men 1245 eldi mekeninde aýdaryldy. Máselen, Aqtaý, Aqtóbe, Almaty, Astana, Atyraý, Qaraǵandy, Kókshetaý, Qostanaı, Qyzylorda, Pavlodar, Petropavl, Semeı, Taraz, Túrkistan, Oral, Óskemen, Shymkent qalalarynda qoljetimdi.
«Bastapqyda Qazaqstan Respýblıkasy Ǵylym jáne joǵary bilim mınıstrliginiń mamandary anyqtamalyq qurylymyn aýdarýǵa kómektesti, sodan keıin biz derekterdi egjeı-tegjeıli zertteý úshin kompanıadan tys ózge de kásibı aýdarmashylardy iske tarttyq», - deıdi 2GIS anyqtamalyq-kartografıalyq óndirisiniń dırektory Elena Tolkacheva.
Qazaqstandaǵy 2GIS keńseleriniń qyzmetkerleri de kóp kómektesti. Qazir birinshi mańyzdy qadam jasaldy. Qazaqstannyń iri qalalary men aglomerasıalarynda anyqtamalyq pen kartalar aýdaryldy, biz jańartylǵan servısti ashyq testileýdi bastaımyz. Biz paıdalanýshylarǵa keri baılanys úshin alǵys aıtamyz, ony tikeleı qosymshada nemese qatelikter týraly habarlamalar arqyly 2gis.kz saıtynda qaldyrýǵa bolady. Mundaı habarlamalar qyzmettiń qazaq tilindegi izdeý jáne ózge de fýnksıalaryn jaqsartýǵa jáne bolashaqta aýdarmany tolyqtyrýǵa kómektesedi». Qazaqstandaǵy 2GIS-tiń barlyq bólimderi men derekteri qazaq tiline aýdarylmaǵanymen, olarmen jumys jalǵasý ústinde. Jaqyn arada izdeýdi jaqsartýmen qatar, kompanıalardyń jeke kabınetiniń aýdarmasy, servıs qyzmeti týraly tehnıkalyq suraqtarǵa jaýap bere alatyn bólimder de óz jumysyn bastamaq.
2GIS-tiń qazaq tilindegi synaq nusqasy 2gis.kz saıtynda jáne Qazaqstandaǵy 2GIS mobıldi qosymshasynda qoljetimdi. Ony kelesideı qosýǵa bolady:
Mobıldi qosymshada:
- Mázir → Baptaýlar → Til tarmaǵyn ashyp, qazaq tilin tańdańyz. Tańdaǵannan keıin qosymshany qaıta iske qosý kerek bolady - jaı ǵana jaýyp, mobıldi qurylǵyda ony qaıta qosyńyz.
2gis.kz saıtynda:
Mobıldi qurylǵyda – ınternet-braýzerde:
- Ekrannyń joǵarǵy oń jaq buryshyndaǵy Mázir belgishesin basyńyz (úsh kóldeneń jol), ashylatyn bettiń tómengi jaǵyndaǵy tildi tańdańyz.
Noýtbýkte nemese kompúterde:
- Ekrannyń tómengi oń jaǵyndaǵy Ru → Kz tilin aýystyrý túımeshigin basyńyz.