Tarıf kóterilýi múmkin
Almatyny jylý jáne elektrmen qamtyp otyrǵan ortalyqtardyń qural-jabdyǵy 78%-ke tozǵan. Bul týraly «AlES» kompanıasynyń ókilderi málimdedi, dep habarlaıdy Almaty-akshamy.kz «Habar 24» telearnasyna silteme jasap.
Keıbir ortalyqtyń salynǵanyna 60 jyldan asqan. Osy kúnge deıin bar bolǵany 20 qurylǵy jańartylypty. Jarty ǵasyrdan asa jumys istep turǵan qazandyqtardy jańalap, elektr jelilerin aýystyrý qomaqty qarajatty talap etedi. Mamandardyń aıtýynsha, Almaty óńirin jaryqpen qamtamasyz etetin elektr jelileri de jóndeý kórmegen.
«Tarıf kóterilýi múmkin, tarıf kóterilmeıdi dep aıta almaımyz qazirgi tańda. Óıtkeni, ózderińiz kórip tursyzdar, 60-jyldary shyqqan elektr qondyrǵylary óziniń eksplýatasıalyq resýrstary bitip jatyr. Oǵan qosymsha bólshekter shyqpaıdy», - deıdi «Alataý jaryq kompanıasy» AQ bas ınjeneri Jaqsylyq Saǵynbekov.