Ýaqyty: saǵat 9-dan 12-ge deıin. Senbilikke 2 000-nan astam komýnaldyq qyzmet jumysshylary men 400-den astam arnaıy tehnıka shyǵady.
Almaty ákimdigi turǵyndardy 19 naýryzda Birge – taza Qazaqstan respýblıkalyq aksıasy aıasynda jalpyqalalyq senbilikke qatysýǵa shaqyrady, dep habarlaıdy Almaty-akshamy.kz
Qysqy kezeńnen keıin qala aýmaǵyn, rekreasıalyq aımaqtardy, saıabaqtardy, skverlerdi, aýlalardy, sondaı-aq saýda obektilerine, qoǵamdyq tamaqtaný oryndaryna jáne basqa da uıymdarǵa irgeles aýmaqtardy tazartý ári jınaý josparlanýda. Jappaı aǵash otyrǵyzý da josparlanǵan.
Barlyq menshik nysanyndaǵy uıymdardyń basshylaryn, onyń ishinde PIK, JKB basshylaryn qajet bolǵan jaǵdaıda senbilikke qatysýshylardy irgeles aýmaqtar men aýlalarda qoqys jınaýǵa arnalǵan quraldarmen, qolǵaptarmen, qaptarmen qamtamasyz etýdi suraımyz.
Qoqys salynǵan qaptardy jol jıegine qoıý usynylady. Olardy qalanyń komýnaldyq qyzmetteri alyp ketedi.
Qala aýdandary boıynsha senbilik ótetin oryndar tizimi:
1) Alataý aýdanynda «Sosnovyı bor» ekoparkinde jappaı aǵash otyrǵyzý jáne irgeles jasyl aımaqtar aýmaǵyn jınaý josparlanǵan.
2) Almaly aýdanynda senbilikti Saıran kóliniń shyǵys jaǵalaýynda jappaı ótkizý josparlanǵan.
3) Áýezov aýdanynda – Saıran kóliniń batys jaǵalaýynda.
4) Bostandyq aýdanynda – Abaı dańǵylynyń bólý jolaǵynda.
5) Jetisý aýdanynda – Gúlder saıabaǵynda.
6) Medeý aýdanynda – Rechka Kazachka kóshesi «Vostochka» TK artynda.
7) Naýryzbaı aýdanynda – №7 QKA-nyń irgeles aýmaǵynda jáne Abaı dańǵylynyń boıymen Alataý dańǵylynyń shyǵysyna qaraı.
8) Túrksib aýdanynda – Petrozavodskaıa jáne Maılın kóshelerindegi jyralarda.