Mamandar dúrligýge jol bermeýge shaqyrady.
Qazaqstan Respýblıkasy Básekelestikti qorǵaý jáne damytý agenttiginiń Almaty qalasy boıynsha departamenti baǵa monıtorıńiniń nátıjeleri boıynsha qant baǵasynyń alypsatarlyq ósý belgilerin anyqtady, dep habarlaıdy Almaty-akshamy.kz.
«Qazirgi ýaqytta naryq sýbektileriniń basym úlesin aıqyndaý maqsatynda iri ónim berýshilerdiń atyna suraý salýlar jiberildi. Monopolıaǵa qarsy talqylaý qorytyndylary boıynsha tıisti den qoıý sharalary qabyldanatyn bolady», - delingen departamenttiń baspasóz qyzmetiniń habarlamasynda.
Monopolıaǵa qarsy departament dúrligýge jol bermeýge shaqyrady jáne básekelestikke qarsy kelisimder, kelisilgen is-áreketter nátıjesinde alypsatarlyq baǵanyń ósýi, sondaı-aq ústem jaǵdaıdy teris paıdalaný monopolıalyq tabysty (taza paıdany) tárkileı otyryp, tabystyń 3-5%-y mólsherinde aıyppul salýǵa ákep soǵatynyn eskertedi.