Shekti baldy 52% talapker jınady. Ortasha bal – 54 bal. Eń joǵary bal – 128.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda tamyz UBT-syna 100 talapker qatysqan, dep habarlaıdy aqshamnews.kz Ǵylym jáne joǵary bilim mınıstrligine silteme jasap.
UBT ótkizý barysynda 77 ereje buzýshylyq anyqtalǵan. Onyń ishinde 44 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorıadan 33 adam shyǵaryldy. Bógde tulǵalar anyqtalǵan joq.
Aıta ketsek, 2024 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady.
Joo-da aqyly negizde óz mamandyǵy boıynsha oqýdy jalǵastyrýdy josparlap otyrǵan kolej túlekteri oqýǵa áńgimelesý qorytyndysy boıynsha qabyldanady. Bul rette oqýǵa qabyldaýdy joo-lardyń qabyldaý komısıalary júzege asyrady.
2024 jylǵy UBT qorytyndysy boıynsha belgilengen shekti bal jınaı almaǵan, testileý nátıjesi joıylǵan, beıindik pánder kombınasıasy sáıkes kelmeıtin talapkerlerge joo-ǵa shartty túrde aqyly negizde oqýǵa túsý múmkindigi beriledi.
Ary qaraı olar 2025 jyly qańtar, naýryz, negizgi jáne tamyz UBT-syna qatysyp, joo-da oqýyn jalǵastyrý úshin qajetti shekti balyn jınaı alady.