1973 jyly týǵan naýqas Almaty Qalalyq jedel shuǵyl kómek kórsetý aýrýhanasyna (QJSHKKA) josparly túrde qos jarmaly ıleostoma dıagnozymen jatqyzyldy.
Osy jyly kóktemde QJSHKKA hırýrgıalyq bólimshesinde oǵan shuǵyl túrde ash ishektiń perforasıasyna jáne jaıylma irińdi fıbrındik perıtonıtke baılanysty qos jarmaly ıleostoma ornatýmen laparotomıa otasy jasalǵan bolatyn.
Úsh aıdan keıingi tekserý kezinde hırýrg Nurhat Esenbekov ıleostomany josparly túrde jabýdy usyndy.
1,5 saǵatqa sozylǵan ota sátti ótti. Hırýrgıalyq aralasý kezinde oń jaq myqyn tusy ıleostomasynyń ishastardan tys rezeksıasy jáne «búıirden ekinshi búıirge» ash ishek anastomozy, sonymen qatar qursaq qýysyna bilte qoıý júrgizildi.
Otany quramynda tájirıbeli mamandar: joǵary sanatty hırýrg Nurhat Esenbekov, rezıdent Aman Berkinbaı, anestezıolog Mamýrjan Iýldashov jáne otalyq medbıke Ásel Nadyrova bar top júzege asyrdy.
Otadan keıingi kezeń asqynýsyz ótti, naýqas ázirge QJSHKKA hırýrgıa bóliminde, jaǵdaıy turaqty.
Ileostoma - ár túrli ishek jaǵdaıynyń nátıjesinde qajet bolýy múmkin. Ol ishektiń bir bóligin ish qabyrǵasyndaǵy sańylaýǵa bekitetin hırýrgıalyq prosedýra, osylaısha qaldyqtar syrtqa shyǵady. Ileostomany jabý joǵary bilikti jáne tájirıbeli dárigerlerdi qajet etedi.
«Ash ishektiń perforasıasy abdomınaldy hırýrgıada ózekti másele bolyp qala beredi jáne statısıkalyq málimetterge sáıkes, ol ish qýysy músheleriniń jedel hırýrgıalyq patologıasy arasynda 0,37%-2,3% jaǵdaıda kezdesedi», - dep atap ótti Nurhat Esenbekov.